Ильхам Алиев – энергетикæйы, транспорты æмæ æндæр æрдæмадтæй нæм егъау плантæ ис, фæнды нæ райсæм хайад инфраструктурон проектты, уыдзæн уый Анаклиайы порты, кæнæ æндæр æрдæмад
Азербайджаны Республикæйы президент Ильхам Алиев Биолы центры Гуырдзыстоны премьер-министр Ираклий Гъарибашвилиимæ иумæйагæй лæвæрдбрифингыл фæныхас кодта энергетикон, транспортон æрдæмадæй иумæйаг проекттыл.
Алиев ацы æрдгæй æмгуыстад фæарфдæрмæ раздæхта йæ хъусдард.
«Абон алцыппæт аразæм, цæмæй æндæр æмæ æндæр бæстæты æрцæуа энергоресурстæй ифтонгад. Ныры онг дæр æмкуыст кодтам æмæ арфдæр кæнæм æмгуыстад, уый нæ бонвæткы скæнæг хай у æмæ стыр æхсызгон нын уыдзæн хайад райсын æмæ нæм ис фæндон, райсæм хайад инфраструктурон проектты, кæцыты уыдис дзырд, Анаклиайы порты арæзта, кæнæ кæцыфæнды æндæр æрдæмад. Хъулевы порт нынис, Сау Денджызы былыл, Гуырдзыстоны, нæ бон у ацы порт дæр ауæрæх кæнæм æмæ уый стынг кæндзæн æмæ ноджы сфидардæр кæндзæн нæ æмгуыстад. Баку–Тбилисы æфсæнвæндагы æрдгæй райрæзын кæндзыстæм ахадæн фондз хатты æмæ алцыппæт сараздзыстæм уый тыххæй. Уый уыдзæн ставд компонент нæ Астæу Къæлидоры райтынг кæныны æрдгæй, энергетикæйы æрдгæй, кæцы традицион æрдæмад æмæ сферæ у, ныридæгæн нын уыдис ныхас цъæх энергийы къæлидоры тыххæй. Ам дæр Гуырдзыстон æмæ Азербайджан, дыууæ æфсымæрон наци, æмуаг кусæм европаг нациимæ æмæ иннæ мæйты фæуыдзыстæм техникон-экономикон иртасын ацы проекты фæдыл. Уырнæг дæн тынг тагъд нæ бон бауыдзæн рахатинаг фæстиуджытæ бавдисæм инвестицитæй, кæцы нырид плангонд у æмæ уый уыдзæн энергетикон, цъæх кабелы, къæлидоры æрдгæй, кæцы сфидар кæндзæн мах, Гуырдзыстон, Азербайджаны æмæ партнер бæстæты энергоæдасдзинад. Алы ацы проект, кæцы æххæст цæуы Гуырдзыстоны, Азербайджаны æмæ нæ партнер бæстæты, егъау нысаниуæгджын у, æнæрмæст Хуссар Кавказæн, фæлæ ма Евразиаг континентæн æмæ цæттæ стæм, тыхархайыд ацы æрдгæм кæнæм. Ыстыр у нæ политикон фæнд, уæвæг инфраструктурæйæ æмæ йæ ауæрæхæй, нæ хæлардзинады æмæ стратегион партнерады райтынг кæнынæй мах уый саразын бахъом уыдзыстæм», – райхъусын кодта Ильхам Алиев.