Илиа Дарчиашвили официалон визитæй Швецийы паддзахадмæ ныццæудзæн
Гуырдзыстоны фæсарæн хъуыддæгты министр Илиа Дарчиашвили официалон визитæй Швецийы паддзахадмæ 13-14 марты ныццæудзæн. Информацийы уый фæдыл хъусын кæны Гуырдзыстоны фæсарæн хъуыддæгты министрады пресс-куыст.
Уагдоны хъусинагæй, визиты фæлгæтты ацæудзæн фембæлдтæ Швецийы æххæстгæнæг æмæ закъондæттæг хицауады минæвæрттимæ: фæсарæн хъуыддæгты министр Тобиас Билстрьомимæ, парламенты сæрдари Андреас Норленимæ, Евроцæдисы фарстаты паддзахадон нымæрдар Кристиан Даниелсонимæ æмæ æхсæнадæмон рæзынады æмгуыстады фарстаты паддзахадон нымæрдар Диана Янсенимæ.
«Банысан кæнинаг у уый æмæ фæнысагонд визит æххæст цæуы Евроцæдисы Советы Швецийы сæрдариуæгы периоды. Уымæ æмбæлгæйæ дæр, визиты фæлгæтты плангонд фембæлдтыл дыууæ бæстæйы æнгом хæларон æмгуыстады фарстаты параллелонæй, сæрмагонд хъусдард здæхт уыдзæн Гуырдзыстоны Евроцæдисы уæнг суæвыны процессы цыдмæ æмæ Швецийы фарсхæцынмæ ацы фæндагыл», – банысангонд у Гуырдзыстоны фæсарæн хъуыддæгты министрады информацийы.