Керчы донкъубалы  айтынггонд  фæзындтæн аргъ кæнæм куыд  Уæрæсейы агрессивон  архæйдты  манифестацийæ  æмæ  Сау Денджызы агрессивон  архæйдты  апарахатдæр кæныны  хъавдæй  афтæ – уый фæдыл  Гуырдзыстоны Украинæйы минæвар  Игорь  Долгов, Гуырдзыстоны фæсарæн хъуыддæгты  министр Давит Залкалианиимæ  фембæлды размæ   журналисттæн фехъусын кодта.

«Бузныг Гуырдзыстонæн  ахæм фарсхæцæг  позицийы  тыххæй.   Райгонд дæн  фæсарæн хъуыддæгты министр  Давит Залкалианиимæ фембæлдæй,  цæмæй   йын базонын  кæнон   информаци  Сау денджызы  акваторийы   Уæрæсейы   агрессивон архæйдтыты  тыххæй.

Сау денджыз кæддæриддæр  у  нæ  иумæйаг  сагъæсы  темæ,  уымæн  æмæ æдасдзинад у, Гуырдзыстонæн, Украинæйæн æмæ Сау денджызы регионы  æндæр бæстæтæн дæр,   сегасæй  фылдæр мæт кæнын  цæуыл хъæуы  уый. Знон цæмæ дардтам нæ хъус уый  у æргом агресси  æмæ æнхъæл стæм, цæмæй ИНО-йы  æдасдзинады совет  абон  ацы  фарстайыл фæтæрхон кæндзæн.  Æнхъæлмæ кæсæм Украинæйы ныхмæ  гарзджын агрессийæн  æргом  аргълæвæрдмæ.  Æртæ науы æмæ  экипажы 23  уæнгы Уæрæсейы  «ФСБ» минæвæрттæ  æрцахстой, фæлæ   уыдон æрмæст  се æртæйы  ахст бæлвырд кæнынц.  Нæ информацийæ,  23  наудзогæй  6   цæфтæ  сты.

Украинаг  наутыл  гарзджын уырыссаг  æфсæддон наутæ  æхст байдыдтой  æмæ сæ  æрцахстой,  уыдон  Керчы донкъубалмæ баленк кæнын  куы бафæлвардтой уæд. Мах уымæ  аргъ кæнæм куыд Уæрæсейы  агрессийы   манифестацийæ  æмæ Сау Денджызыл  агрессивон архæйдтыты  ауæрæхдæр кæныны  хъавдæй», – райхъусын кодта Игорь Долгов.

Уырыссаг наутæ  Украинæйы  катертыл  Одессæйы наулæууæнæй  Мариуполы портмæ  змæлды  рæстæджы æхст  райдыдтой.  Инциденты фæстиуæгæн  Украинæйы   æхсæз  æмбæстаг  фæцæф сты.  Украинæйы  президенты  минæвары хъусинагæй  уырыссаг  арæнхъахъхъæнджытæ  ныридæгæн  20-æй  фылдæр украинаг æфсæддоны   æрцахстой.

Афтæма Украинæйы  президент, 60 бонон  хæстон  уавæры  райхъусын кæныны  фæдыл  националон æдасдзинады советы иницитивæимæ сразы ис.