Гуырдзыстоны премьер-министр Ираклий Къобахидзейы бардзырдæй, акционерон æхсæнад «Гуырдзыстоны энергетикæйы размæцыды фонд» Украинæмæ гуманитарон уаргъ арвыста. Уый фæдыл информаци экономикæ æмæ æнæфæцудгæ рæзынады министрад парахат кодта.

Сæ ныхæстæм гæсгæ, уаргъы сконды ис алыгъуызон хуызы æмæ хъомысджын генераторты 9 иуæджы.

«Нысаниуæгджын у, цæмæй акционерон æхсæнад «Гуырдзыстоны энергетикæйы рæзынады фонд» генераторты балхæды æмæ ласыны процесс цыбыр рæстæгмæ (бадзырдгонд æмгъуыдты мидæг) сифтонг кодта.

Гуманитарон уаргъ Украинæйы Киевы Гуырдзыстоны минæварадмæ лæвæрд æрцæудзæн, цæмæй фæстæдæр Украинæмæ лæвар æрвыст æрцæуа. Гуырдзыстонæй зæххы фæндагæй æрвыст гуманитарон æххуыс Украинæ цалдæр боны фæстæ райсдзæн» – ис фыст экономикæйы æмæ æнæфæцудгæ рæзынады министрады фидиуæны.