АИШ-мæ визиты фæлгæтты, Гуырдзыстоны парламентон делегацийы уæнгтæ фембæлдысты Куинсы институты директор Анатол Ливенимæ, аналитикон центр æмæ институты иртасджытимæ.

Парламенты пресс-куыстуаты информацимæ гæсгæ, фембæлдыл ныхас цыд АИШ-ы ног администрацийы æттаг политикæйыл, уый нымæцы Цæгат Кавказы регионмæ йæ ахасты фæдыл.

«Фæрстæ æруынаффæ кодтой Æввахс Скæсæны цæугæ цаутыл.

Фембæлды рæстæджы ныхас баххæссыд Уæрæсе-Украинайы хæстмæ æмæ йæм АИШ-ы администрацийы ахастдзинæдтæм.

Ныхасы темæ уыд Гуырдзыстоны цæугæ процесстæ. Æргом здæхт уыд Гуырдзыстоны æдасдзинады фарстатæм, се æхсæн æддагон хъыгдарды бафæлвæрдтæ æмæ факттæм.

Афтæ дæр фарсытæ æруынаффæ кодтой Астæуккаг къæлидоры размæцыды перспективæтыл æмæ ацы æрдгæй АИШ-ы ног администрацийы цæстæнгасыл» -ис фыст Гуырдзыстоны парламенты фидиуæны.

Парламентон делегацийы къухдариуæг кæны æттаг ахастыты комитеты сæрдар Николоз Самхарадзе.

Делегацийы сконды сты: ахуырады, зонады æмæ фæсивæды хъуыддæгты фæдыл комитеты сæрдар Мариам Лашхи, Евроинтеграцион комитеты уæнг Лика Шартава æмæ «Адæмон тыхы» партийæ парламентон оппозицийы минæвар Эка Сепашвили.