Парламент æртыккаг бакастæй  æркаст иумæйаг ахуырады тыххæй закъонмæ ивындзинæдтæм æмæ сæ фарсыл рахæцыд 85,  йæ ныхмæ та 10 хъæлæс. Уый фæдыл Гуырдзыстоны парламенты расидтысты.

Сæ ныхасмæ гæсгæ, сæйраг ивæндзинæдтæ, кæцытæ нысангонд сты законпроектæй, закъондæттæг органтæм ахуырады, зонады æмæ фæсивæды министры хæдивæг Звиад Габисония бавдыста.

«Ивæндзинæдтæм гæсгæ, æххæст иумæйаг ахуырады дæргъвæтиндзинад бæрæггонд цæуы куыд 11 азæй къаддæр æмæ 12 азæй фылдæр нæ, кæцытæ дихгонд цæудзысты афтæ: райдайæн (6 азы – I-VI кълæстæ), бындурон (3 азы – VII-IX кълæстæ) æмæ астæуккаг (2 азы – X æмæ XI кълæстæ æмæ факультативон 1 аз – XII кълас Иумæйаг ахуырад райдайдзæн райдайæн æмвæзадыл). уа 6 азы, кæцыйы адæймаг сæххæст кæндзæн 15 сентябрмæ.

Ахуыргæнæн чиныгæн бæрæггæнæн снысан кæныны фæтк ист æрцæудзæн, уымæн æмæ Ахуырад, наукæ æмæ фæсивæды министрад сараздзæн иумæйаг ахуырадон уагдæттæн скъолайы ахуыргæнæн чиныг, сифтонг кæндзæн йæ мыхуыр æмæ æмбæлон скъолатæм лæвæрд ахуырдзаутæ рæстæгмæ пайда кæныны нысанæн лæвар.

Иумæйаг ахуырады райдайæн æмвæзадыл ахуырдзаутæн æнæмæнгхъæугæ уыдзæн скъолайы формæ дарын, кæцыйы дæнцæг сфидар кæндзæн ахуырады, зонады æмæ фæсивæды министрад. Афтæ дæр министрад сбæлвырд кæндзæн паддзахадон скъолаты ахуырдзауты электрон регистраци «Иумæйаг уавæртæ бастдзинады фæрæзтæй (уыцы нымæцы мобилон телефонтæй) пайда кæнынæн», – дзырдæуы парламенты парахатгонд информацийы.