Гуырдзыстоны мидхъуыдтæгты министр Гека Геладзе, делегациимæ иумæ, официалон визитæй ис Турчы республикæйы, горæт Стамбулы.

Мидхъуыддæгты министрады информацийæ, визиты фæлгæтты министр йæ туркаг коллегæ Али Ерликаяимæ дывæрсыг фембæлд сарæзта.

«Фарсытæ æруынаффæ кодтой дыууæ бæстæйы æхсæн уæвæг партнерады фæдыл барадхъахъъхæнды сферайы, йæ фæарфдæр кæныны перспективæтыл æмæ æмкуыстдзинады приоритетон сферæтыл.

Али Ерликая ноджы иу хатт бузныг расидтис йæ гуырдзиаг коллегæйæн, Гуырдзыстоны Турчы уæлдæфон тыхты уæзласæн хæдтæхæджы катастрофæйы рæстæджы цы тыхархайд сарæзта, тагъд æмæ эффективон æмкуыстдзинады тыххæй.

Сæрмагонд хъусдард афтæ дæр здæхт æрцыд фарсыты æхсæн фæлтæрддзинад, хуыздæр практикæтæ дих кæнынмæ æмæ полицийы ахуырады фадыджы æмкуысткæнынад фæарфдæр кæнынмæ. Дыууæ бæстæйы министртæ ныфс расидтысты, цæмæй иумæйаг тыхархайдæй, Гуырдзыстоны æмæ Туркы барадхъахъæнджыты æхсæн уæвæг партнердзинад фидæны ноджы рæздзæн.

Фæстагмæ Гека Геладзе йæ туркаг коллегæйæн бузныг расидтис хуынды, хъарм æрбацыды æмæ уазæгуарзондзинады тыххæй» – ис фыст МХъМ-йы расидæны.