Сабырады корпус дарддæр кæны  гуырдзиаг адæмæн лæккад кæнын  æмæ  5 июлы 42 ног  барвæндоны  ардхæрды  церемонийы  уадзы –  уый фæдыл банысангонд у  Гуырдзыстоны Америкæйы Иугонд Штатты  ахæлиугонд информацийы.

Барвæндонты  ардхæрды церемони уагъд цæуы  абон, Тбилисы паддзахадон  медицинон университеты 12:00-æй 13:30  сахаты онг. Церемонийыл уыдзысты: АИШ-ы  минæварады, Гуырдзыстоны  ахуырады, зонæдты, культурæйы æмæ  спорты  министрады, регионалон   æмæ бынæттон  хицауады,  партнер организациты æмæ  институтты  минæвæрттæ,  фысым  бинонтæ æмæ  Сабырады Корпусы   кусджытæ.

Минæварады  хъусинагæй, ай зæгъгæ  барвæндонты  æнудæсæм къорд у, кæцы Гуырдзыстоны бакусдзæн.

Барвæндонты æхсæн ис  англисаг æвзаджы программæйы  34 æмæ  организацион  æмæ  индивидуалон  рæзынады  программæйы   аст барвæндон, кæцытæ æнтыстджынæй  ацыдысты  11 къуырион куыстагъоммæ  трейнинг. Трейнинг  æххæссыд  гуырдзиаг æвзаджы æмæ культурæйы  ахуыр,  куыстимæ баст  техникон фарстаты  фæхуыздæр кæнын æмæ æнæниздзинады æмæ æдасдзинады   фарстатæм.  Ахуыры процессы фæлгæтты, интеграцийы æмæ адаптацийы  нысанæй барвæндонтæ  гуырдзиаг фысым бинонты æхсæн цардысты  Хашуры æмæ Карелы  районты. Ног  ахуырадон афæдзæй, бæстæйы  10 регионы, барвæндонты хай Гуырдзыстоны æхсæнадон скъолаты   англисаг æвзаджы  ахуырмæ æрывналдзæн, æрмæст иннæ  хай  та, гуырдзиаг  æнæхицауадон секторы  æмæ æхсæнады архайæг   организациты  бакусдзæн.  Ацы регионтæ сты: Ачъара, Гуриа, Имерет, Къахет, Дæллаг Картли, Мидæг Картли, Мцхета-Мтианет, Рачъа-Лечхум, Самегрело æмæ Самцхе-Джавахет.