Гуырдзыстоны хицауад – ахастытæ æрбиноныг кæнынæн æнæмæнгхъæугæ у, Украинайы хицауад Гуырдзыстонмæ радæтта фыдгæнджыты, кæцытæ Украинайы бæрзонд постытæ ахсынц
Ахастытæ фæхуыздæр кæнынæн нысаниуæгджын æмæ æнæмæнгхъæугæ у, Украинайы хицауад Гуырдзыстонæн радæтта фыдгæнджыты, кæцытæ абон Украинайы хицауады бæрзонд постытæ ахсынц, – уый фæдыл Гуырдзыстоны хицауады фидиуæны дзырдæуы.
Фидиуæны банысангонд у, цæмæй Гуырдзыстоны хицауадæн зынæмбарæн у, цæмæн исы Украинайы хицауад ахæм уынаффæтæ, кæцытæ дыууæ хæлар бæстæйы æмæ адæмы кæрæдзийæ аразгæйæ фæхицæн кæнынæн сты.
«Евроцæдисы æмæ Германийы Федеративон Республикæмæ Украинайы официалон делегацийы сконды Зураб Адеишвилйы визиты фоныл, нæ фæнды равдисæм арф хъыгдзинад æмæ сагъæс уыцы ахасты тыххæй, кæцыйы Украинайы хицауад, Украинайы хæлар бæстæйы – Гуырдзыстоны æмæ гуырдзиаг адæмы æрдæм æвдисы.
Уый тыххæй, цæмæй Украинайы ныр хæст цæуы æмæ Уæрæсейы æфсæддон агрессийы ныхмæ хæцы, Украинайы хицауады ахæм ахасты фæдыл позици сфиксир кæнынæй рагæй урæдтам нæхи. Фæлæ Брюссел æмæ Берлинмæ украинаг делегацийы сконды Зураб Адеишвилийы визиты фæстæ, тыхбын стæм, нæ позици дырыс равдисæм.
Ивгъуыд дыууæ азы дæргъы Гуырдзыстон æнæцудгæйæ сидтис солидарондзинад Украинайы паддзахад æмæ украинаг адæмæн æмæ фаудта Уæрæсейы æфсæддон агресси нæ хæлар бæстæйы. Гуырдзыстон официалонæй баиу ис æхсæнадæмон платформæтыл бакуыст 600-йæ фылдæр уынаффæмæ, кцытæ Украинайв суверенитет æмæ территорион æнæхъæндзинадæн фарсхæцын æмæ Уæрæсейы æфсæддон агресси бафауын дарттой сæ хъуыдыйы. Уый æддæммæ ма Гуырдзыстон абоны онг уæрæх гуманитарон æххуыс æрвиты хæлар украинаг адæмæн.
Ацы фоныл, тынг æвгъауаг æмæ мæтæфтауæг у Украинайы хицауады рæнхъ уынаффæтæ, кæцытæ гуырымыхъхъ йæ ныхмæ сты традицион хæлардзинадæн, кæцы дыууæ бæстæйы æмæ адæмты æхсæн ис:
– Украинайы хицауад, санкциты æнæсфидары æмæ Украинамæ барвæндон хæцджыты æнæарвысты зынæмбарæн æфсонæй, 2022 азы фыццаг марты Гуырдзыстонæй фæстæмæ асидтис Украинайы сæрмагонд æмæ æххæстбарджын минæвары;
-Украинайы хицауад, Михеил Саакашвилийы мæлæтдзаг уавæры уæвыны мæнг æфсонæй, 2023 азы 3 июлы Украинайæ рарвыста Гуырдзыстоны сæрмагонд æмæ æххæстбарджын минæвары. Бакой уын кæндзыстæм, цæмæй Гуырдзыстоны минæвар иуæй-иу уыд уыцы стæм фæсарæйнаг дипломаттæй, кæцытæ хæст райдаыны бонæй баззадысты Киевы æмæ Украина иу бонæй дæр нæ ныууагъдтой.
-Украинайы хицауад ахæлиу кодта æнæиу фидиуæн Михеил Саакашвилийы фæдыл, кæцы йæ ахсты, цæвитон политикон мотивыл амыдта, уый нымæцы, ахæлиу кодта фидиуæн уый фæдыл, цæмæй «Уæрæсе Гуырдзыстоны хицауады къухæй мардта Михеил Саакашвилийы»;
-Украинайы хицауады абоны онг бæрзонд постытыл сты уæнгтæ, кæцы уæнгтæ агуырдмæ сты лæвæрд кæнæ та тæрхонгонд сты æндæр æмæ æндæр фыдракæнды тыххæй. Ацы цæстæнгасæй, сæрмагондæй мæтæфтауæг у Украинайы генералон прокурроры уынаффæгæнæгы постыл Зураб Адеишвилийы æмæ Украинайы контрбæрæгдзау куысты хистæры хæдивæгы постыл та Гиорги Лорткипанидзейы уæвын. Бакой уын кæндзыстæм, цæмæй фæнысангонд уæнгтæ, къухдариуæг кодтой Гуырдзыстоны раздæры хицауады авторитарон режимæн, кæцы бирæ адæймагы цард, æнæниздзинад æмæ фæрнæйдзаг цард скуынæг кодта. Зураб Адеишвили тæрхонмæ лæвæрд у сæны заводы æнæзакъононæ йбайсты, телекомпани «Ибериайы» хибакæныны, Къоба Давиташвилийы аскъæфыны æмæ йын карз тыхмидзинады, ахæстты хъизæмары æмæ «Карту Банкы» фæкъотри кæныны хъуыддæгтыл, æрмæст зылынмæ лæвæрд у телекомпани «иМедийы» ныссæндыны æмæ хибакæныны, 2007 азы 7 ноябры тыхмидзинады æмæ Бута Робакидзейы марындзинады фыдракæнды басусæг кæныны хъуыддæгтыл. Гиорги Лорткипанидзе зылынмæ лæвæрд у 2011 азы 26 майы тыхмидзинады æмæ арæныл æнæзакъононæй рахизыны Михеил Саакашвилийæн баххуыс кæныны хъуыддæгты тыххæй. Нæкæсгæ уымæ, цæмæй Гуырдзыстоны прокуратурæ украинаг фарсмæ æнæиу хатт æрсидтис ацы уæнгты радæттыны тыххæй, Украинайы хицауад нæ равдыста æнæмæнгхъæугæ цыт Гуырдзыстоны паддзахадмæ æмæ Гуырдзыстонæн фыдгæнджыты нæ радæтта.
Гуырдзыстоны хицауадæн зынæмбарæн у, цæмæй исы Украинайы хицауад ахæм уынаффæтæ, кæцытæ дыууæ хæлар бæстæйы æмæ ажæмты кæрæдзийæ аразгæйæ фæхицæн кæнынмæ сты.
Ныфс дарæм, цæмæй Украинайы хицауад ногæй æркæсдзæн йæ уынаффæтæ, кæцы гуырымыхъхъ йæ ныхмæ сты хæлар ахастытæн Гуырдзыстон æмæ Украинайы, гуырдзиаг æмæ украинаг адæмты æхсæн. Фыццаджы дæр ахастыты æрбиноныг кæнынæн нысаниуæгджын æмæ æнæмæнгхъæугæ у, Украинайы хицауад Гуырдзыстонмæ радæтта фыдгæнджыты, кæцытæ абон Украинайы хицауады бæрзонд постытæ ахсынц.
Уырнæг сты, цæмæй цыфæнды уынаффæдæр рахæссæт политиктæ, нæ бæстæты æмæ адæмты æхсæнг историон хæлардзинады ницы фенкъуысын кæндзæн», – дзырдæуы Гуырдзыстоны хицауады фидиуæны.