Къамис æркаст уæвæг уавæртæм æмæ фæлхасгæнæг тарифтæ æнæивгæйæ ныууагъта – уый фæдыл Гуырдзыстоны националон энергетикæ æмæ доны регуляцион къамисы (NEWR) сæрдар Давит Нармания райхъусын кодта

Йæ ныхасмæ гæсгæ, уæвæг тарифтæ æртæ мæйы æмгъуыдмæ æнæивгæйæ баззадысты.

«Фæлхасгæнæг тарифтæ арæзт сты дыууæ компонентæй.Иу, уый у электроэнергийы дистрибуцийы тариф æмæ энергийы тариф йæхæдæг.Æппæт уыдæтты бындур уыд уый, æмæ иннæ периоды æндæр æмæ æндæр генерацион объектты райсгæ энергийы бæрцтæ, æмбæлон аргъдзинæдтæ, уыдзысты бæлвырдгонд, уымæ гæсгæ, цæмæй къамис уа растдæр йæ дарддæры нымадты, ахсджиаг у, цæмæй райсæм ацы параметртæ бæлвырдгонд формæйы. Афтæ дæр, компанийы «Энерго-Про»-йы хайы уыд ныхас, цæмæй сæ бавдыст инвестицион пълан гæнæн ис æмæ чысыл рараст уа.

Æртæ мæйы фæстæ уын периодонæй хъусын кæндзысты процедурæты фæдыл, уымæн æмæ компанитæ сбæлвырд кæндзысты индивидуалон бæрæггæнæнтæ, сбæлвырд уыдзæн баланс дæр, уымæ гæсгæ, къамис алыхатт дæр разамынд дæтдзæн уыцы методологимæ, кæцыйæ нымайы тарифтæ æмæ кæцыйы бындурыл нымад цæудзысты тарифтæ», -расидтис Давид Нармания.