Гуырдзыстоны алфæмблайы националон агентад 6-8 июны Гуырдзыстоны æнхъæлмæкæсинаг боныхъæды фæдыл информаци парахат кæны.

Синоптикты информацимæ гæсгæ, бæрзонд температурæты рæстæджы æввахс бонты Гуырдзыстоны бæрæг регионты æнхъæлмæкæсинаг у цыбыр æмгъуыдмæ къæвда æмæ арвнæрд.

«Тбилисы æхсæвы æмæ изæры æнхъæлмæкæсинаг у цыбыр къæвда арвнæрдимæ. Уæлдæфы температурæ боны мидæг +27, +29 градус уыдзæн.

Денджызы былгæрон районты (Батум, Кобулети, Анаклиа, Поти): Æнхъæлмæкæсинаг у хъарм æмæ фылдæр хатт æнæмигъ боныгъæд. Уæлдæфы температурæ боныгон уыдзæн +25, +27 градусы.

Къахеты (Сагареджо, Телави, Гурджаани, Сигънагъи, Лагодехи, Хъварели, Ахмета, Дедоплисцъхъаро): Иуæй-иу рæтты æнхъæлмæкæсинаг у цыбыр къæвда æмæ арвнæрд, гæнæн ис æмæ уара их. Уæлдæфы температурæ боныгон уыдзæн +27, +29 градусы.

Скæсæн Гуырдзыстоны уæлхох районты (Ахалкалаки, Цъалка, Бакуриани, Гудаури, Омало): Иуæй-иу рæтты æнхъæлмæкæсинаг у цыбыр къæвда. Уæлдæфы температурæ боны мидæг уыдзæн +16, +18 градусы», -ис фыст уагдоны информацийы.