Фæнды нæ дзуапп раттæм уыцы агрессийæн, кæцы политикон змæлд «Тыхджын Гуырдзыстоны» лидер, Долидзе Ана фыццаг къаналы журналистты æрдæм æмæ æнæхъæнæй организацийы æрдæм равдыста. Афтæ зыны, цыма г-жа Долидзе хъавы цавæрдæр быцæудзинад расайын æмæ æхсæнадон уацхæссæгæн дискриминаци скæнын.

Фыццаджы дæр нæ тыхсын кæны демонстрациты рæстæджы нæ журналистты æрдæм йæ агресси, кæцы гæнæн ис æмæ расайа æнæконтролон процессмæ æмæ тас æвзæрын кæна журналисты æмæ йемæ цæуæг камерæйы къорды æдасдзинадæн, журналистон архайды къуылымпы кæнын та цы хъæуы. Иннæрдыгæй та, йæ æнæбары æмæ æнæбындургонд негативон кампани Фыццаг Къаналы ныхмæ æрмæстдæр организаци агрессийы объектæй аразы, кæцы афтæдæр гæнæн ис æмæ тæссагдзинад æвзæрын кæна æппæт уыцы адæймæгтæн, кæцытæ кусынц æхсæнадон уацхæссæгы.

Банысанкæнинаг у, цæмæй г-жа Ана Долидзейы уагахасты æндæр политикон лидертæ дæр фæзмынц æмæ уый ноджы тынгдæр бæлвырд кæны нæ тыхстдзинад тæссаг тенденциты фæдыл. Категоронæй тæрхон кæнæм ахæм архайд æмæ сидæм политикон цæдис «Тыхджын Гуырдзыстонмæ», афтæ дæр æндæр политикон архайджытæм, цæмæй бамбарой сæхи бæрндзинад гæнæн негативон фæстиуджыты тыххæй æмæ æххæст кæной иумæйаг райсгæ уагахасты уагæвæрдтæ журналисттимæ æмæ нæ медиа-организациимæ ныхас кæнгæйæ .