Гуырдзыстоны Евроцæдисы цæстдарæг миссийы ног къухдариуæггæнæг йæ хæстæ æххæсткæнынмæ æрывнæлдта
Гуырдзыстоны Евроцæдисы цæстдарæг миссийы ног къухдариуæггæнæг Димитриос Карабалис йæ хæстæ æххæсткæнынмæ æрывнæлдта.
«Тынг æхсызгон мын у Евроцæдисы минссийы куыст райдаын. Ацы аз мисси Гуырдзыстоны уæвыны 15-æм аз банысан кæндзæн. Фæлæ нæ цæстдарджытæ удцырын сты куыд фыццаг бон, миссийы нысанмæ баххæссынмæ, кæцы у Гуырдзыстоны æмæ уæрæхæй дæр регионы стабилорндзинад æрфидар кæнынæн. Мæнæн стыр цыт у ахæм балæн къухдариуæг кæнын æмæ алцыппæт сараздзынæн цæмæй адарддæр кæной сæ куыст, арæх тынг уæззау уавæрты» – райхъусын кодта Евроцæдисы цæстдарæг миссийы къухдариуæггæнæг.
Гуырдзыстоны Евроцæдисы минæварады информацийæ, грекаг дипломат 2023 азы 31 январы снысан кодта Евроцæдисы совет. Евроцæдисы цæстдарæг миссийы снысан кæныны размæ, Димитриос Карабалис уыд Грецийы фæсарæн хъуыддæгты министрады, Уæрæсейы, Украинайы, Молдовæйы, Хуссар Кавказы æмæ Централон Азийы фарстаты директор. Карабалис Гуырдзыстоны фыццаг посты ахста Грецийы минæвары рангы 2017 азæй 2021 азы онг.