Гуырдзыстоны  делегаци  Европæйы  Советы  парламентон  ассамблеймæ  Уæрæсейы   делегацийы   æрыздахыны фарста ногæй  æркæсын   æркурдзæн.

Евросоветы   парламентон   ассамблейыл  гуырдзиаг  делегацийы   номæй   курдиат  сараздзæн Ираклий Кобахидзе.

«Уыдис нын   активон  консультацитæ   нæ коллегæтимæ,  Балтийы былы  бæстæтимæ, афтæдæр   Украинайы  делегацийы  минæвæрттимæ. Нæ пълан  у  уый  æмæ,   фарсты нысанæй  сæвæрм   Уырыссаг делегацийы   нымадмæ  райсты  фарста.  Уымæ гæсгæ,   фарста  абон хаст æрцæудзæн  пленарон  сессимæ.  Мах  иумæ бавдисдзыстæм  ацы  фарста.  Нысаниуæгджын  у, райдайæт  процедурæ   ацы  фарстайы  æркæсынæн, ныфс мæ ис  æппæтыфæстаг  нæ инициативæ  уыдзæн æнтыстджын», –  банысан кодта   Ираклий Кобахидзе.

Кобахидзейы   æмбарынгæнæнмæ гæсгæйæ,    националон  интерестæ   фыццаджы дæр   баст у  Гуырдзыстоны  регионты оккупациимæ, суверенитеты æмæ территорион  æнæхъæндзинады  фарстаимæ.

Бакой  уын кæндзыстæм, парламентон ассамблей, 2019  азы   25  июны,  йæ фарс рахæцыд  резолюцийæн, кæцы   Уæрæсейы   делегацийæн парламентон  ассамблеймæ æрыздæхыны  фадат радта.

Резолюцийы  текстмæ  гæсгæйæ,   ассамблейы æмæ  йæ  оргæнты  уæнгтæн хъæлæскæныны, дзырды æмæ   минæварады  бар  урæд  ма хъуамæ  уа.

Евросоветы парламентон   ассамблейыл хъæлæсы бар   Уæрæсейы  делегацийæн   2014 азы   Хъырымы æнæзакъонон анексийы  тыххæй  байстой.