Сидæм хицауады æмæ барадхъахъхъæнæг органты минæвæрттæм, афтæ дæр æхсæнады æппæт иннæ уæнгтæм, кæцытæ активонæй æвдисынц сæ протест, сæхи бауромой агрессивон æмæ æфхæрæн архайдтытæй, физикон æмæ дзыхæй ныхмæлæудтæй – уый фæдыл ис фыст фидиуæны Гуырдзыстоны Патриархийы æрдыгæй Гуырдзыстоны цæугæ цауты фæдыл.

«Ацы азы 29-æм ноябры, райсомæй, сæйраг сахары Руставелийы проспектыл цы цаутæ æрцыд, уыдон нæ зæрдæйы рис æмæ тыхстдзинад æвзæрын кæнынц.

Хицауады минæвæртты æмбарынгæнæнтæм æнæкæсгæйæ, куыд знон, афтæ абон дæр, цæмæй Гуырдзыстон европæйаг курсæй нæ хизы æмæ европæйаг аргъдзинæдтæ нæ уадзы, ацы æмбарынгæнæнтæ æхсæнады хайæн фаг æмæ уырнинаг нæ уыдысты. Уый фæстиуæгæн сабырадон демонстраци цадæггай ахызт æдасдзинады тыхты минæвæрттæ æмæ митингы хайадисджыты æхсæн физикон ныхмæлæудмæ.

Дзыллон информацион фæрæзты парахатгонд бирæ кадрты фенæн ис, протесты хайадисджытæ пъæлицæйæгты ныхмæ куыд лæууыдысты, бæстыхæйттæм бацæуынмæ куыд хъавыдысты æмæ инфраструктурæ куыд бахъыгдардтой, уый. Иннæрдыгæй та федтам барадхъахъæнджыты агрессивон архайдтытæ. Уыдон физикон æгъдауæй æхстой протесты хайадисджыты, æндæр æмæ æндæр кары адæймæгты, се æхсæн журналистты, кæцыты сæйраг хæс у фактты хъусын кæнын æмæ объективон информаци парахат кæнын.

Рæстдинон аргъуан кæддæриддæр сидт хиуыл хæцынмæ æмæ кæрæдзийæн аргъ кæнынмæ, æмæ сиды адæммæ, хъуыдыты хицæндзинæдтæм, æндæр æмæ æндæр политикон цæстæнгасмæ кæнæ курсытæм æнæкæсгæйæ. Æхсæнады уæнгтæ хъуамæ нырма дæр æрæвналой сабырад бахъахъхъæнынмæ, цæмæй арæнæй ма ахизой.

Сидæм куыд хицауады æмæ барадхъахъхъæнæг органты минæвæрттæм, афтæ дæр æппæт æндæр æхсæнады уæнгтæм, кæцытæ активонæй æвдисынц сæ протест, сæхи бауромой агрессивон æмæ æфхæрæн архайдтытæй, физикон æмæ дзыхæй ныхмæлæудтæй. «Ма хъыгдарæм кæрæдзийы æндæр æмæ æндæр хъуыдытæ æмæ цæстæнгасы тыххæй æмæ нæ бон уа нæ позици æмбæстагондæрæй равдисын» – ис фыст фидиуæны.