Абон, цыппæрæм октябры, Гуырдзыстоны бынæттон хицауады æвзæрстытæ цæуынц. Хъæлæскæныны процесс 08:00 сахатыл райдыдта æмæ 20:00 сахатыл фæуыдзæн.
Æнæхъæн бæстæйы масштабæй кусы 3061 æвзарæнон фадыджы, кæцытæй 2284 уагъд цæудзæн электрон хуызы, 777 та традицион уагæй, се æхсæн дæс æвзарæнон фадыджы, кæцытæ арæзт æрцыдысты куыд æнæуый æмæ байгом сты пенитенциарон уагдæтты.
Муниципалон æвзæрстытæм æвзарджыты иумæйаг нымæц у 3 513 818 адæймаджы. Электрон технологитæй пайдагæнгæйæ, æвзæрстыты хайад райсыны фадат уыдзæн 3 130 348 æвзарæгæн.
Æвзæрстыты хайад райсыны фадат фыццаг хатт уыдзæн 47 мин фæсивæды бæрц. Æвзарæн администрацимæ хæссинаг урнæйы курдиатимæ бахатыдысты 60 754 æвзарæджы.
Цыппæрæм октябры æвзæрстытæм регистрацигонд сты 12 политикон партийы, æмæ бюллетены сæ фæтк у ахæм:

1. «Фыдыбæстæ, Æвзаг, Уырнындзинад»; 3. «Консерватортæ Гуырдзыстоны фарс»; 5. «Нæ Иугонд Гуырдзыстон»; 7. «Сæрибар Гуырдзыстон»; 8. «Гуырдзыстоны патриотты альянс»; 9. «Тыхджын Гуырдзыстон-Лело»; 11. «Гуырдзыстон»; 12. «Зæлдаг парти»; 14. «Адæмон хицауад»; 25. «Гахариа Гуырдзыстонæн», 36. «Гирчи»; 41. «Гуырдзиаг Бæллиц-Демокративон Гуырдзыстон».

Уымæй дарддæр ма Тбилисы мэры бынатмæ 9 кандидат ис регистриргонд. Æппæт 12 политикон цæдис Тбилисы горæтон советы æвзæрстытæм партион номхыгъдтæ бавдыстой. Тбилисæй дарддæр ма, иннæ 63 муниципалитеты дæр 112 мэры кандидат у регистриргонд, се æхсæн инициативон къордты бавдыст цыппар кандидат.
Бынæттон мажоритарон æвзарæнон зылды регистриргонд мажоритарон кандидаттæм та цы хауы, æнæхъæнæй 2228 кандидат у регистрацигонд, се æхсæн 32 кандидат инициативон къордтæй раразмæгонд сты. Тбилисы та – 160 кандидаты.
Æвзарæнон процессмæ цæстдард уыдзæн 28 æппæтдунеон æмæ 27 бынæттон организациты цæстдарджытæ, æвзæрстыты фæдыл та 73 медиа-фæрæзы минæвæртты бæрц æвдисдзысты.