Гуырдзыстонмæ, официалон  визитæй  Чехы  Республикæйы  парламенты  сенаты  президент, Милош Вистрчил  делегациимæ иумæ  фæуазæг ис. Уый фæдыл  информаци  ахæлиу кодта Гуырдзыстоны  парламенты пресс-куыст.

Уагдоны  хъусинагæй,  аэропорты бæрзонд æмвæзады  уазæгæн йæ размæ   рацыдысты   парламенты сæрдары   фыццаг  хæдивæг  Гиорги Вольски æмæ Гуырдзыстон-Чехы  парламентон хæларады  къорды къухдариуæггæнæг  Ираклий Чиковани.

Чехы  парламенты сенаты  президент  фембæлдзæнис Гуырдзыстоны  парламенты  сæрдар Шалва Папуашвилиимæ. Фембæлды фæстæ, спикертæ  прессайæн  иуæймаг фидиуæн сараздзысты.   Милош Вистрчил  парламентон оппозицион фракциты,  политикон балты æмæ  парламентон фылдæрты минæвæрттимæ фембæлдзæн. Плангонд у Чехы  парламентон делегацийы  уæнгты  фембæлд  гуырдзыйаг коллегæтимæ.

Визиты  фæлгæтты, Чехы Республикæйы  парламенты  сенаты президент  чехаг-гуырдзыйаг  бизнес форумы  байгомы  рпайсдзæн хайад. Милош Вистрчил, делегациимæ иумæ   сæ  цæст ахæсдзысты  оккупацион  хаххыл хъæу Одзисы. Плангонд сты фембæлдтæ  æххæстгæнæг хицауады  минæвæрттимæ.