OSCE-ы  сæрдар, Швецийы  фæсарæн хъуыддæгты министр Эн Линде, фæуазæг ис Гуырдзыстонмæ.

Пресс-релизы дзырд ис, цæмæй Эн Линде  Гуырдзыстонмæ  фæуазæг уыдзæн 16 февралы  æмæ бæрзонд къæпхæны  фембæлдтæ  ауадздзæн.

Гуырдзыстоны фæсарæн хъуыддæгты министрады  информацийæ, визиты фæлгæтты  Линде фембæлдзæн  Гуырдзыстоны президент Саломэ Зурабишвилиимæ, премьер-министр Гиоргии Гахариаимæ, фæсарæн хъуыддæгты министр  Давит Залкалианиимæ  æмæ фидыды æмæ æмбæстагон æмсæрады  фарстыты  Гуырдзыстоны  падзахадон министр Тея Ахвледианиимæ.

Бадзырдты сæйраг темæ уыдзæн   OSCE-ы æмæ  Гуырдзыстоны æмгуыстад фæфидардæр кæнын.

«Сæрмагондæй   нысаниуæгджын  у  уый æмæ Уæрæсе-Гуырдзыстоны   конфликты  аскуыддзагы процессы,  активон  бастдзинад Швецийы  сæрдариуæгы иуæй-иу приоритет у», – банысан кодтой  ФХМ-ы.

OSCE-ы  сæрдар Эн Линде  афтæдæр  ауадздзæн бадзырдтæ  Гуырдзыстоны парламенты сæрдар Арчил Талакъвадзеимæ, парламенты  уæнгтимæ  æмæ æмбæстагон  æхсæнадимæ, цæмæй  æркæса OSCE-ы  Швецийы  сæрдариуæгы приоритеттæ, афтæма ацæудзæн  пресс-конференци  гуырдзиаг  медийæн.

OSCE-ы  сæрдар афтæдæр хъавы  Европæйы мониторингы  миссиимæ фембæлын.

Визиты фæлгæтты  Эн Линде  ныццæудзæн   оккупацион  хаххы гæрон  уæвæг хъæу Хурвалетмæ.

Эн Линде  Гуырдзыстонмæ  фæсарæн хъуыддæгты министры рангы  фуазæг ис 2020 азы.