Гуырдзыстонмæ æрцыд Данийы фæсарæн хъуыддæгты министр
Гуырдзыстонмæ æрцыд Данийы паддзахады фæсарæн хъуыддæгты министр Ларс Локе Расмусен.
Гуырдзыстоны фæсарæн хъуыддæгты министрады информацийæ, Тбилисы Шота Руставелийы номыл æхсæнадæмон аэропорты Данийы фыццаг дипломатæн йæ размæ рацыды официалон церемони ацыд, кæцыйы хайад райста фæсарæн хъуыддæгты министры хæдивæг, Теймураз Джанджалиа æмæ Данийы Гуырдзыстоны минæвар Ната Менабде.
«Визиты фæлгæтты Данийаг коллегæйæн сфысым кæндзæн Гуырдзыстоны фæсарæн хъуыддæгты министр Илиа Дарчиашвили, ацæудзæн фембæлд куыд хицæн форматы, афтæ дыууæ бæстæйы делегациты æхсæн.
Данийы паддзахады фæсарæн хъуыддæгты министримæ фембæлдзæн Гуырдзыстоны премьер-министр Ираклий Гъарибашвили.
Ларс Локе Расмусенимæ иумæ ис Данийы бизнесделегаци, ацæудзæн министрты æмæ бизнесделегациты фембæлд Гуырдзыстоны вице-премьеримæ, экономикæйы æмæ æнæфæцудгæ рæзынады министримæ, Леван Давиташвилиимæ.
Банысанкæнинаг у, цæмæй визиты фæлгæтты Данийы фæсарæн хъуыддæгты министр гуырдзиаг коллегæимæ, Илиа Дарчиашвилиимæ иумæ, официалонæй байгом кæндзæн Гуырдзыстоны Данийы минæварад. Ларс Локе Расмусен оккупацион хаххмæ ныццæудзæн æмæ бынатыл æрзонгæ уыдзæн уæвæг уавæримæ», – банысангонд у официалон информацийы.