Гуырдзыстоны  фæсарæн хъуыддæгты министрад Уæлхох Карабахы  ацæугæ  а.х.  парламентон æмæ  президентон æвзæрстытæ  нымадмæ нæ исы –  уый фæдыл  æддагполитикон уагдоны  куырдиаты мидæг дзырдæуы.

«Гуырдзыстоны  фæсарæн хъуыддæгты министрад, йæ  æнцойад  сиды Азербайджаны  Республикæйы   суверенитет æмæ территорион æнæхъæндзинады  æрдæм  æмæ  нымадмæ нæ исы  а.х.  парламентон æмæ  президентон æвзæрстытæ, кæцы  ацыд  Уæлхох Карабахы 2020 азы  31  марты.

Гуырдзыстон  æнцой дары  Уæлхох Карабахы  конфликты  æрмæстдæр  сабыр фæндæгтæй   аскуыддзагæн, æхсæнадæмонæй   нымад  барады  нормæты æмæ  принциптæ хъахъхъæнгæйæ» –   дзырдæуы  Гуырдзыстоны фæсарæн хъуыддæгты министрады  куырдиаты.