Гуырдзыстон   Евроцæдисы  иртасæнты æмæ инновациты   æхсæнпаддзахадон  организаци,   EURAXESS-ы официалон уæнг  ссис. Æмбæлон  документыл къух  æрфыстой  Брюсселы,  Гуырдзыстоны ахуырады, зонæдты,  культурæ æмæ спорты   министр   Михеил Батъиашвили, Шота Руставелийы  номыл   Гуырдызстоны  националон зонадон   фонды директор  Звиад Габисониа æмæ   Европаг   комисы  иртасæнты æмæ  инноваиты   генералон   директоры  хæдивæг,  Патрик Чайлд.

Шота Руставелийы  номыл   Гуырдзыстоны  националон зонадон   фонды лиректор  Звиад Габисониа хъусын кæны, цæмæй   абон  гуырдзиаг  ахуыргæндтæн   иттæг нысаниуæгджын бон у.

«Практиконæй,  кæронмæ бакодтам EURAXESS-ы уæнг  суæвыны  процедурæ  æмæ къух æрфыстам  уæнгæй суæвыны декларацийыл.   Ай  у иттæг нысаниуæгджын  хъуыддаджы   райдиан.  Уый фæдыл æввахс бонты  уыдзæн   Гуырдзыстоны EURAXESS Georgia-ы  бындурæвæрд.  Уымæй  уæлдай ма,   æныридæгæн фæзындис  бирæ  нысаниуæгджын   проекты,  гуырдзиаг ахуыргæндты, афтæдæр зонадон   институциты  баиу кæныны фадат.   Ай  æххæссы   практиконæй  алы  уæллаг ахуыргæнæндæттæм  æмæ зонадон-иртасаг  институттæм.  Гуырдзиаг ахуыргæндтæм, зæгъæн ис  100 миллиард бюджетмæ баххæссыны  фадат  фæзындзæн.

Уымæй  дарддæр ма уыдзæн фадат  хайад райсæм   Евроцæдисы   иртасæн проектты.  Ам дзырдæуы  æнæ æрмæст  Horizon 2020-ы проекттыл, фæлæ ма хицæн  бæстæты  мидпаддзахадон  грантон проекттыл, кæцы ныры онг  æнæбаххæсгæ æмæ   иттæг  вазыгджын хъуыддаг уыдис.  EURAXESS Georgia бындурæвæрд куы æрцæудзæн æмæ хъæугæ  платформæ куы  сырæздзæн уый фæстæ, Евроцæдисы  фæнысангонд  проекттæ нын уыдзысты  комкоммæ рæувадат», – райхъусын кодта Звиад Габисониа  къух æрфыссыны  церемонийы  фæстæ.