Гуырдзыстон, Азербайджан, Туркменистан æмæ Узбекистан «Астæуккаг къæлидоры» дæргъæй æмкуысткæнынад фæуæрæхдæр кæныныл фæныхас кодтой.

Туркменийы сæйраг горæт Ашхабады Азербайджаны æфсæнвæндаджы сæрдар Ровшан Рустамов, Туркменийы æфсæнвæндагон транспорты министр Мамет Акмамедов, Узбекистаны æфсæнвæндаджы советы сæрдар Зуфар Нарзулаев æмæ Гуырдзыстоны æфсæнвæндаджы генералон директор Лашид Абашиды æхсæн цыппарфарсон фембæлд сырæзт.

Фембæлды рæстæджы фарсытæ æруынаффæ кодтой кæрæдзийæн цымыдисон фарстатыл, афтæ ма æфсæнвæндаджы къабазы ​​æмæ регионы сæйраг транзитон фæндæгтæй иу «Астæуккаг къæлидоры» фæдыл æмархайд фæуæрæхдæр кæныны фадæттыл.

Фæрстæ ма кæрæдзийæн хъуыдытæ загътой «Астæуккаг къæлидоры» ерысхъомдзинад фæбæрзонддæр кæныны æмæ ацы маршрутыл уæзтæ ласыны бæрц фæфылдæр кæныны тыххæй. Банысангонд æрцыд операцитæ нымæцон кæныны ахсджиагдзинад уæзтæ эффективондæрæй ласынæн.

Цыппарфарсон фембæлды фæстæ къухтæ æрфыстæуыд протоколыл, кæцы аххæссыд ахæм фадгуытыл, куыд «Астæуккаг къæлидоры» дæргъæй уæзтæ ласыны нымæцон æмæ райрæзт, стæй къæлидорты диагностикæ.