Гуырдзыстон æмæ Катар сæрибар базарады фæдыл бадзырдтæ райдайдзысты. Хицауады сæрдары фыццаг хæдивæг, экономикæ æмæ æнæфæцудгæ рæзынады министр Леван Давиташвилийы расидæнмæ гæсгæ, ацы уынаффæ Катары паддзахады базарад æмæ промышленносты министр Шейх Файсал бин Тани Аль Танимæ фембæлды рæстæджы райста.

Экономикæйы министрады пресс-куыстуаты информацийæ, фембæлд Леван Давиташвилийы Катармæ визиты фæлгæтты сырæзт æмæ дыууæ бæстæйы æхсæн базарадон æмæ экономикон æмкуыстдзинады уæрæх спектры фарстатыл бакастысты, се æхсæн инвестицион, энергетикæйы, туризмы, транспорты æмæ коммуникацийы фарстатыл.

«Катары базарады æмæ индустрийы министримæ фембæлды рæстæджы мах æруынаффæ кодтам экономикон æмкуыстдзинады сæйраг фарстатыл.Практикон æмвæзадыл ныхас кодтам уый тыххæй, цæмæй дыууæ бæстæйы æхсæн цы бадзырдтæ ис, уыдон хъуамæ æххæст æрцæуой æмæ уый тыххæй арæзт æрцæудзæн конкретон формат.Афæдзы дæргъы нæм ныридæгæн уыдзæн бизнес-делегациты визиттæ Гуырдзыстонмæ æмæ Катармæ, цæмæй дарддæр фæарфдæр уа базарадон æмæ экономикон ахастытæ. рæстæг, уынаффæ, цæмæй райдайдзыстæм бадзырдтæ Катаримæ сæрибар базарады бадзырдыл, уыд стыр нысаниуæг – растдæр афтæ, куыд Иугонд Араббаг Эмираттимæ, уый уыдзæн хæдбар формат, æмæ нæ уыдзæн сæрибар базарады бадзырд æнæхъæн Персы бакæлæнимæ» – райхъусын кодта экономикæ æмæ æнæфæцудгæ рæзынады министр.

Леван Давиташвилийы расидæнмæ гæсгæ, гæнæн ис æмæ бæстæты æхсæн снысангонд фарсты фæдыл бадзырдтæ сырæза ацы азæй дæр, 5-æм Æфсæнвæндаджы форумы фæлгæтты. Фыццаг вице-премьер Катары делегацийы Тбилисмæ фæхуыдта форумы хайад райсынæн, кæцы 22-23 октябры сырæздзæн.

Гуырдызстоны делегаци фыццаг вице-премьеры сæргълæудæй Катары фыццæгæм экономикон форумы иста хайад. Форум уагъд æрцыд эмир шейх Тамим бин Хамад Аль-Танийы æххуысæй æмæ Bloomberg-ы æххуысæй. Уым архайдтой 2500 дунеон лидерæй фылдæр æппæт дунейæ.