«Азербайджаны республикæйæ газы уæй æмæ æлхæды фæдыл 2003 азы къухфыст бадзырды 20 азмæ адарддæр кæнын дæтты гарантитæ æхсæнадон газифтонгады æдасдзинадæн» – ис фыст Гуырдзыстоны хицауады рапарахатгонд фидиуæны.

Фидиуæны куыд банысангонд у, афтæмæй дыууæ бæстæ бафыстой бадзырдты пакет энергетикæ æмæ транспорты секторы, се æхсæн:

— Гуырдзыстон æмæ Азербайджаны æхсæн электроэнергийы ифтонгады æмæ транзиты сæйраг æмгъуыдты фæдыл 20 азы æхсæнхицауадон бадзырд;

— 2003 азы къухфыст Азербайджанæй газы уæй æмæ æлхæныны фæдыл бадзырды 20 азмæ адарддæр кæнын, кæцы дæтты гарантитæ æхсæнадон газифтонгады æдасдзинадæн.

Документтæ Гуырдзыстоны фарс экономикæ æмæ æнæфæцудгæ рæзынады министр Мариам Квривишвили, Азербайджаны фарс та экономикæйы министр Микаил Джаббаров æмæ энергетикæйы министр Парвиз Шахбазов бафыстой.

Афтæ дæр бафыстой дыууæфарсон координацион советы протокол, кæцымæ гæсгæ æххæстæй кусдзæн Баку-Тбилис-Карсы ног æфсæнвæндаджы хай. Документ Гуырдзыстоны экономикæйы æмæ æнæфæцудгæ рæзынады министр Мариам Квривишвили æмæ Азербайджаны нымæцон рæзынады æмæ транспорты министр Рашад Набиев бафыстой.

Бадзырдмæ гæсгæ, æхсæз азы æрлæууæны фæстæ, Тбилис æмæ Бакуйы æхсæн æрвылбонон бæлццæттæласæн поездты змæлд 26-æм майы сног уыдзæн.

Гуырдзыстоны премьер-министр Ираклий Къобахидзе æмæ Азербайджаны президент Ильхам Алиев къухфысты церемонийы уыдысты.