Гуырдзыстоны  вице-премьер,  юстицийы   министр  Тея  Цъулукиани,   делегациимæ иумæ, Гаагайы   тугтæрхоны  барады  æхсæнадæмон   тæрхондоны  уæнг паддзахадты  18-æм  ассамблейы райсдзæн хайад.

Гуырдзыстоны юстицийы министрады  информацийæ,  визиты   сæйраг нысан у,  Гуырдзыстоны  номæй  Гаагайы  тæрхондоны   уæнг  паддзахадты  раз  фидиуæн саразын уый фæдыл,  ома Гуырдзыстон 2020 азы тугтæрхоны барады  æхсæнадæмон тæрхондоны,  тæрхонгæнджытæм  кандидаты бавдисдзæн.  Сæрмагондæй  та,  2020 азы   декабры, Гаагайы   тæрхондоны уæнг  бæстæты 19-æм ассамблейы  фæлгæтты,   кæцыйы   123  паддзахад райсдзæн хайад, æхсæз вакантон  бынатмæ  тæрхонгæнджытæ  æндæр æмæ æндæр регионæй   æрцæудзысты  æвзæрст.   Сæ нымæцы иу тæрхонгæнæг  æвзæрст æрцæудзæн  Европæйæ, уымæн  æмæ  йе  æмгъуыд фæуд кæны  ацы  регионæй  æвзæрст  Чехаг  тæрхонгæнæгæн. Гуырдзыстон растдæр  фæнысангонд  позицимæ  бавдисдзæн   кандидаты, кæцыйы   сывзарынæн   националон æмвæзадыл   уагъд æрцæудзæн  конкурс   кæцыйы  статусы æмæ  ассамблейы  резолюцийы   æркуырдтæ  æххæстæй  хъахъхъæнгæйæ.  Гуырдзыстонæй  дарддæр,   Скæсæн Европæйы  къордæй   кандидаты   бавдисын сæ бон  у  ацы бæстæтæн: Албани, Босни, Болгари, Хорватий, Чехи, Эстони, Латви,  Лиетувæ, Монтенегро, Цæгат Македони, Молдова, Румыни, Серби, Словаки, Словени.

Визиты фæлгæтты вице-премьер  фембæлдтæ  ауадздзæгн   Гаагайы   тæрхондоны  къухдариуæггæнæг  уæнгтимæ.

Юстицийы   министрады  делегацийы  сконд   сты  юстицийы   министры  хæдивæг  Гоча Лорткипанидзе æмæ юстицийы   министрады  æхсæнадæмон  тæрхондæтты паддзахадон  минæварады  департаменты  хистæр  Бека Дзамашвили.