Афон у режимæн равдисын нæ тых, адæмы тых Хъуамæ равдисæм иудзинад, æмхъæлæсдзинад, райгуырæн бæстæмæ уарзондзинад, æмæ патриотизм», – расидтис брифингыл парти «Стратегийы аразæг»-ы лидер Гиоргий Вашадзе.

Уый загъта, ныртæккæ уæлдай ахсджиаг кæй у ног къæпхæнмæ рахизын.

— Райсом тынг ахсджиаг бон у. Европæйы фæзуатæй 18:00 сахатыл уагъд æрцæудзæн протестон марш. Кæй зæгъын æй хъæуы, мах ацы маршмæ баиу вæййæм ахæм номимæ – Уæрæсейы диктатурæмæ Нæ. Ныр уæлдай нысаниуæгджын у ноджы иу хатт ахизын ног этапмæ, уæд уыдзæн масштабон митингтæ æмæ протесттæ. Мах æрæмбырд кæндзыстæм максималонæй фылдæр адæймаг æмæ расиддзыстæм нæ фæндон, цæмæй Гуырдзыстон уа демокративон бæстæ, змæла Европæйы æрдæм, цæмæй ног æвзæрстытæ æрсидт æрцæуа, политикон ахæсттæ ссæрибар уой. Сидæм алкæмæ дæр, цæмæй райсом 18:00 сахатыл æрбацæуой Европæйы фæзуатмæ, цæмæй баиу уой ацы ахсджиаг митингмæ, кæцы у ахсджиаг фидæнæн. Фидæны плангонд сты масштабон протесттæ. Ныр у ахæм рæстæг, æмæ режимæн хъуамæ равдисæм нæ тых, хъуамæ равдисæм адæмы тых, иудзинад, æмхъæлæсдзинад, райгуырæн бæстæмæ уарзондзинад, патриотизм. «Равдисæм, цæмæй сæ дезинформаци æмæ мæнг пропагандæ махыл нæ кусы, иугонд стæм æмæ тох кæнæм Гуырдзыстоны уæлахизыл», – расидтис Вашадзе.