«Гуырдзиаг Бæллиццы» æвæрд форматмæ æнæкæсгæйæ, мах хъуамæ архайæм дебатты» – расидтис парти «Гахариа – Гуырдзыстоны фарс»-ы уæнг Гиорги Шарашидзе.

Шарашидзейы ныхасмæ гæсгæ, парти «Гуырдзиаг Бæллиццы» æвзарæгтыл тох кæнын раст нымайы.

“Бирæ азты дæргъы “Гуырдзиаг бæллиц” райста бирæ хæттыты æркуырдтæ дебатты архайын æрмæстдæр нæ къордæй. Ныридæгæн “Гуырдзиаг бæллиц” не сразы ис дебатты алы форматæн дæр. Нырма нæ зонæм, цавæр формат равзардзысты. Кæй зæгъын æй хъæуы, æппынфæстаг, уый уыдзæн ахæм формат, кæцы сын уыдзæн æнцонвадат. Уыдон æппæт дæр сараздзысты, цæмæй дебаттæ ацæуой æнцонвадат телеуынынады, сæ телеуынынады уавæры дзыппы эксперттæ, сæ спутникон оппозици. Нæ дзурын æндæр æнæпарламентон партиты тыххæй, куыд Нейтралон Гуырдзыстон æмæ афтæ дарддæр. «Гуырдзиаг бæллиц» алцыппæт сараздзæн, цæмæй дебатты ма архайой уыцы раныхасгæнджытæ, кæцытæ æцæгæйдæр хæссынц бæрндзинад, куыд Къобахидзе, Каладзе æмæ æндæртæ, æмæ сæ бæсты дыккаг нысаниуæг кæмæн ис, ахæм быдырон раныхасгæнджыты.

Кæд æмæ «Гуырдзиаг Бæллиц» дебаттæ æмæ демокративон процесстæм æцæгæй нæ тырны, фæлæ архайы сæ æмбырд кæнын æмæ сæ бафæзмын, уæддæр мах нымайæм, цæмæй раст у «Гуырдзиаг Бæллиццы» æвзарджытыл тох кæнын. «Гуырдзиаг Бæллиццы» æвæрд форматмæ æнæкæсгæйæ, дебатты хъуамæ архайæм, цæмæй «Гуырдзиаг Бæллиццы» сæхи уавæрты зæгъæм рæстдзинад æмæ адæмæн бахæццæ кæнæм, цæмæй сæ пропагандæ æнæхъæнæй дæр арæзт у мæнгдзинад, æфхæрд, дезинформаци æмæ аргъæуттыл. Æз нæ æнхъæл дæн, æмæ уыдон æцæгæйдæр æрбаддзысты немæ дебаттæм, уымæн æмæ кæд искæмæй тæрсы абон «Бæллиц», уæд уый у фыццаджыдæр Гахариа æмæ йæ къорд. Фæлæ фендзыстæм, банхъæлмæ кæсдзыстæм. Цыфæнды уавæры дæр расидæм нæ цæттæдзинад дебаттæм» – расидтис Шарашидзе.

Дебатты партийы лидер Гиоргий Гахариайы хайадисты фæдыл фарсты фæдыл, Шарашидзе банысан кодта, цæмæй Бидзина Иванишвили гæнæн ис æмæ уа Гахариайы иунæг ныхмæлæууæг.

“Дебаттæ дæрддзæфæй дæр гæнæн ис организгонд æрцæуой. Гиорги Гахариимæ дебаттыл ныхас кæнын нырма раджы у. Бидзина Иванишвили у иунæг ныхмæлæууæг, кæцыйæн гæнæн ис уа Гиоргий Гахарийæн. Кæй зæгъын æй хъæуы, Гахариа Ираклий Къобахидзеимæ не дебаттæ кæндзæн — мæнмæ гæсгæ, уый алкæмæн дæр бæрæг у”, – бахахх кодта Шарашидзе.

Гуырдзыстоны премьер-министр Ираклий Къобахидзе раздæр расидтис, цæмæй цæмæй гуырдзиаг адæм æмбæлон анализыл бындурæвæрдæй цыфæнды æвзæрст саразой, уый тыххæй сын хъуамæ лæвæрд æрцæуа фадат æхсæнадонæй байхъусой хицаудзинадыл тохгæнæг алы къорды позицитæм. «Мах хъуамæ сног кæнæм адæмæн дебатты бар æмæ ма бауадзæм æнæформалон тыхтæн æмæ сæ «гуырдзиаг» агенттæн сæ боны фæтк нын сæвæрын», -расидтис Ираклий Къобахидзе.