Тбилисы горæтон тæрхондоны тæрхонгæнæг, Гиорги Аревадзейы расидæнмæ гæсгæ, «Дроайы» лидеры, Елене Хоштариайы хъуыдтагы фæрогдæргæнæг уавæртæ нæ уыд.

Тæрхонгæнæг æскъуыддзагы резолюцийы куыд бамбарын кодта афтæмæй, Елене Хоштариа нæ бафыста йæм æвæрд æфсон, нæ бафыста зиан æмæ нæ нымайы аххосджыныл.

«Фыдракæнд бæлвырдгонд цæуы телекомпани æмæ хъахъхъæнæджы ист кадртæй. Зиан, æдæппæтæй, у 570 лари. Стæй ма, эксперты хатдзæгмæ гæсгæ, баннер сног кæнын нæй гæнæн. Æндæр фæрогдæргæнæг уавæртæ нæ уыд. Йæ ныхмæ 16 хатты райдыдта административон хъуыддаг æмæ уый нæ бафыста ивар, кæцы йын лæвæрд æрцыд. уый нæ бафыста зиан æмæ нæ нымайы аххосджыныл», – расидтис Гиорги Аревадзе.

Тбилисы горæтон тæрхондон парти «Дроайы» лидер Еленæ Хоштариайæн афæдз æмæ æхсæз мæйы ахæстоны фæбадыны тæрхон рахаста.

Барадхъахъхъæнæг органты кусджытæ æрцахстой Хоштарийы 2025 азы 15 сентябры. Уый аххосджын кодтой Уголовон кодексы 187-æм статьямæ гæсгæ, кæцы нысан кæны æндæр адæймаджы исбонæн зиан æрхæссын, стыр зиан æрхæссын.

Инцидент æрцыд 14-æм сентябры, Каха Къаладзейы æвзарæнон штабмæ хæстæг. Хоштариа Еленæ Каха Къаладзейы тырысайыл ныффыста фыст «Уæрæсейы бæллиц». Политик йæхæдæг æмбæлон видео апарахат кодта социалон хызы æмæ расидтис, цæмæй афтæмæй æвдисы солидарондзинад Меги Диасамидзеимæ, кæцыйы Каладзейы æвзарæнон баннер бахъыгдарыны тыххæй æрцахстой æмæ фæстæдæр æфсонæй ссæрибар кодтой.

Каха Къаладзейы æвзарæнон тырыса бахъыгдарыны аххосджынгонд политикæйæн, тæрхондон 5000 ларийы æфсонæй снысан кодта Еленæ Хоштариайæн. Политикæн йæ бон уыд ахæстонæй ацæуа æфсон бафидыны фæстæ, фæлæ Хоштариа æфсон бафидыныл не сразы.