1918  азы   26  майы  хæдбардзинады  акты  ис ахæм ныхæстæ –  «Нырæй  фæстæмæ Гуырдзыстон адæм  суверенон бар хæссæг  сты æмæ  Гуырдзыстон æххæстбарджын  хæдбар паддзахад у» – ацы ныхæстæй  райдыдта  Гуырдзыстоны премьер-министр   Гиорги Квирикашвили   хицауады  абоны рабадт.

Премьеры  ныхæстæм гæсгæ,   Гуырдзыстон   сом  бæрæг кæндзæн  сеппæтæй  стыр бæрæгбон, кæцы  нывонд у  Гуырдзыстоны паддзахаддзинады  ногæй  рацарæзтмæ.

Гиорги Квирикашвили  æппæт Гуырдзыстонæн раарфæ кодта  фæнысангонд  бон.

«Мах сом  бæрæгбон кæнæм  тынг стыр датæ,   кæцы нывонд  у  Гуырдзыстоны  паддзахаддзинады  ногæй  рацарæзтмæ,  фæнды   мæ   рагафонæй  уын    раарфæ кæнон,  нæ бæстæйы  æппæт цæрджытæн  æмæ   ракувон  нæ  паддзахадæн  уый æмæ ацыхатт  æнæфæзилгæйæ суа   Европæйаг бинонты   уæнг  æмæ   уыцы  стыр  хъуыддаг  кæцыйæн бындур æвæрд æрцыд 1918  азы 26 майы,   æнтыстджынæй   кæронмæ ахæццæ  уа Гуырдзыстоны   Европаг  бинонты æххæстбарджын  уæнгæй  рсуæвынæй.  Мах нæ  уый  алцыппæт уырны æмæ ныфсджын стæм» –  райхъусын кодта Гиорги Квирикашвили .

Премьеры ныхæстæм гæсгæ,   Гуырдзыстон  фæнысангонд бæрæгбоны  æнæрмæст  бæстæйы,   фæлæ ма   дунейы  масштабæй нысан кæны. Афтæма, Квирикашвилийы  дзыордæй,   абон Гуырдзыстонмæ  æрцæудзæн   еврокамисы президент  Жан Клод Юнкер, æмæ  æхсæз бæстæйы   президенттæ.

Йæ ныхæстæм гæсгæ,   фæнысангонд   бæрæгбонмæ   æмæ   Шота Руставелийы  850  азы юбилеймæ  гæсгæ,  уагъд æрцыд   постон маркæ,  кæцыйы  презентаци  ИНО-йы  сæйраг  офисы  сырæзт.

Премьер  26 маймæ плангонд   мадзæлтты  тыххæй  фæныхас кодта  æмæ загъта, цæмæй   ард бахæрыны  церемони  сырæздзæн  иурæстæгонæй  æхсæз бынатыл – Тбилисы, Шиндисы, Вардзиайы, Къоджоры,  Батум  æмæ Гелаты.   Фæнысангонд   бынæттæй  плангонд у комкоммæ  телеуынынадон трансляцитæ.

«Мах  иттæг нысаниуæгджын хъуыддаг хъуамæ  сæххæст кæнæм.   Абон Гуырдзыстоны  æнтыстимæ разы  у  æппæт Дуне,  Европæйы  Гуырдзыстон нымадмæ ист цæуы, куыд скæсæн партнерады   лидер  бæстæ,  сæххæст реформæтæм гæсгæ æмæ  нæ хъуыдымæ гæсгæ,   ацы  датæйыл  тынг  хъалæй  æмбæлæм.

Мах нырма  тынг  ахсджиаг хъуыддæгтæ æмæ куыстытæ  хъуамæ  сæххæст кæнæм æмæ  нæ  сегасæй  сæйрагдæр  хъуыддаг у нæ   бæстæйы  баиу  кæнын.  Вæццæгæн   ай  у   сегасæй  сæйрагдæр мисси нæ фæлтæры,  нæ  хицауады  æмæ    уырнæг дæн,   ацы миссийы  кæронмæ  аккагæй   сæххæст кæндзыстæм» –   райхъусын кодта  Гиорги Квирикашвили.