Аграрон процесс иу бон дæр ма хъуамæ фæлæууа бæстæйы æмæ ма хъуамæ баззайа æнæкуыстгонд зæхх, – уый фæдыл Гуырдзыстоны премьер-министр, Гиорги Гахариа хъæууон хæдзарады къабазы антикризисон пъланы презентацийы райхъусын кодта.
Гиорги Гахариайы дзырдæй, зæгъгæ абон, алы фермер Гуырдзыстоны, кæцыты нымæц у 42 мины, æххæстæй ссæрибар уыдзысты иригацийы фидинагæй, донхæр дон сын уыдзæн æнæфидгæ 2020 азы кæронмæ.
«Уыйимæ иумæ, фæнды мæ зæгъын уын, цæмæй алкæцы фермер, кæцыйы бахъæудзæн техникæ балхæнын, хъæрмуатты хæдзарадæн кæнæ иригацион системæ срæвдз кæнын, уымæн паддзахад æхцайæ, комкоммæ баххуыс уыдзæн ацы куыстыты аргъы 50 процентæй. Уый уыдзæн гранты хуызæй», – хъусын кæны Гиорги Гахариа.
Премьеры информацийæ, фæнысангонд программæтæ 20 майæ скусдзысты.
Йæ ныхæстæм гæсгæ, зæгъгæ программæ æндæр фермертæм дæр æндавы æмæ ацы æххуыстæй иууылдæр спайда кæндзысты 200 мины онг фермер. Æххуысы æххæст бюджет та уыдзæн 300 милуан лари.