Германийы  фæсарæн хъуыддæгты министрад сæрмагонд  æмбæстæгты  фæдзæхсы  Гуырдзыстонмæ туристон балцы  тыххæй.   Уагдоны фидиуæны  банысангонд у, ома  Гуырдзыстон абаргæйæ  къаддæр зиан баййæфта  «Ковид-19»-ы пандемийы  фæстиуæгæн,  фæлæ  ног  æрвылбойнон  инфицирады  цауты  нымæц,  æртæнысанон цифрæты  дæллаг диапазоны ис,  кæцыйы фæстиуæгæн сентябры  астæу бонты  бæстæйы  «Ковид-19»-ы  цауты  рекордон нымæц рабæрæг ис.

Германийы  ФХМ  банысан кодтой, цæмæй  инфицирады  ахæлиуы бæрæггæнæнæй,  сегасдæр фылдæр  зианегонд у хурныгуылæн Гуырдзыстон, сæрмагондæй та Ачъара.

Фидиуæнмæ  гæсгæйæ,   Гуырдзыстоны  8 июлы  Германийæ, Францæй, Латвийæ, Лиетувæ  æмæ Эстонийæ бæлццæттæн сæ бон у æгæрон  балц кæнын.  Уый  тыххæй  хъæуы  Германийы  æмбæстагад, кæнæ  иудадзыг  цæрыны бары æвдисæндар  бавдисын.  Балцы агъоммæ  хъæуы,  электронон  формæйы  фæстаг 14  боны  дæргъы  балцы историйы æмæ Гуырдзыстоны контактон  бæрæггæнæнтæ  бавдисын.

Германийы фхм-ы  информацийы дзырдæуы,   цæмæй  уæлдæрбанысангонд  фондз  бæстæйæ  комкоммæ  рейсæй ныццæугæ  æмбæстæгты  нæ бахъæудзæн карантинмæ ахизын.  Фæлæ  15  сентябрæй  æнæмæнгхъæугæ у «Ковид-19»-ы  фæстаг 72  сахаты  дæргъы  «PCR» тесты дзуаппы бавдисын.  Афтæма тесты  саразын ис гæнæн  ныццыды  рæстæджы,  Тбилисы  аэропорты.  Тесты  дзуаппытæ райсты онг (аст сахаты дæгъы),  визитор  хъуамæ  уа  изоляцийы, фысымуаты, кæнæ та  хицæн фатеры.