Гуырдзыстоны мидхъуыддæгты министр Гека Геладзе АИШ-ы Европæ æмæ Азийы паддзахадон департаменты наркотикты æмæ барадхъахъхъæнæг органты æмгуыстады бюройы директор Марк Тервакоскиимæ фембæлд сарæзта.

Мидхъуыддæгты министрады информацимæ гæсгæ, фембæлдыл мидхъуыддæгты министр фæныхас кодта министрады цæугæ æмæ реализгонд реформæтыл, афтæ дæр ист мадзæлтты тыххæй фыдракæндты ныхмæ тохы, се æхсæн наркокриминацийы тыххæй.

«Фарсытæ афтæдæр фæныхас кодтой мидхъуыддæгты министрад æмæ наркотикты ныхмæ æмæ барадхъахъхъæнæг органты æмгуыстады бюройы æхсæн æнтыстджын партнердзинад æмæ фидæны æмкуыстдзинады плантыл.

Фембæлд уагъд æрцыд Узбекистаны горæт Самарканды цæугæ æхсæнадæмон форумы фæлгæтты, кæцыйы организаци кодтой Иугонд Нациты Организацийы наркотиктæ æмæ фыдракæндты фæдыл офис æмæ Узбекистаны республикæйы президенты администраци. Форумы хайад исынц æндæр æмæ æндæр бæстæты профилон уагдæтты къухдариуæггæнджытæ, фадыджы эксперттæ, афтæ дæр дунеон æмæ регионалон организациты минæвæрттæ», — дзырдæуы МХъМ-ы хъусинаджы.