Газайы секторы Израилы бомбардировкæйы фæстиуæгæн фондз журналист фæмард. Ай фæдыл информаци парахат кæны араббаг медиа.

Хъусынгæнинæгтæм гæсгæ, журналисттæ микроавтобусы фынæй кодтой, уыцы рæстæджы районы уæлдæфон бырст сырæзт. Маршруткæйы хицау уыд Палестинæйы спутникон телеканал «Аль-Кудс». Машинæ Нусейраты лигъдæтты лагеры Аль-Авдайы рынчындоны территорийыл æрлæууыд.

«Уыдон амардтой сæ журналистон æмæ гуманитарон хæстæ æххæст кæнгæйæ», – ис фыст «Аль-Кудсы» расидæны.

Уыимæ иумæ «Израилы хъахъхъæнынады тыхтæ» фехъусын кодтой, Газæйы централон хайы уæлдæфон бырсты нысан кæй уыд хæдтулгæ, кæцыйы мидæг исламон джихады террористон ячейкæ.