Батумы  авторон  кинойы  æхсæнадæмон фестивалыл  (Biaff) Æхсæнадон Уацхæссæджы  æмфинансгондæй  ист æртæ фильм уыдзæн бавдыст.

Biaff-мæ бавдыст  куыстыты  æхсæн ис  цыбырметражон   фильм  «Номыр 26», кæцыйы проект Гуырдзыстоны  националон  киноцентры  2019 азы  конкурсы  уæлахизгонд у æмæ киноцентры æмæ  Фыццаг Каналы æмфинансгондæй  уыд ист.  Банысан кæнинаг у уый æмæ  Æхсæнадон Уацхæссæг  фæнысангонд  конкурсы  уæлахизгонд  авд цыбырметражон  фильм сфинанс кодта.  Фильмы  режиссер   æмæ сценарийы  автор  у Гванца Мепаришвили.

Батумы авторон  кинойы  æхсæнадæмон  фестивалмæ афтæдæрбавдыст  у  Фыццаг Каналы æмæ  театр æмæ кинойы  паддзахадон университеты иумæйаг  проект «Дебюты»  фæлгæтты  ист  цыбырметражон  фильмтæ  «Цæттæдзинад» (режиссер  Илиа Аситашвили) æмæ «Æмæнкъард» (режиссер Звиад Циколиа).

Æртæдæр  цыбырметражон фильмы равдыст  23  сентябры  кинотеатр  «Аполойы»  ацæудзæн.

«Фыццаг Канал  кæддæриддæр  стыр инвестицитæ  æвæры   документон æмæ  аивадон  кинопродукцийы  арызты.  Иу æрдгæй, ай у продукт, кæцы   нæ каналæн  цæттæ кæнынц  æмæ   иннæрдгæй, ай у  цымидисон  проектты, кæнæ  æндæр æмæ æндæр  конкурсы  уæлахизгонд  сценариты финансдзинад.  Фæлтæрддзинад нын куыд æвдисы,  афтæмæй,  Æхсæнадон Уацхæссæджы финансгондæй  кæнæ æмфинансгондæй  арызт фильмтæ, бынæттон  æмæ æхсæнадæмон фестивальтыл активон  бавдыст сты, кæцы  мæ хъуыдымæ гæсгæ,  æхсызгон  у  æмæ   хахх кæнын  Фыццаг Каналы  хайбавæрд  ацы индустрийы  размæцыды», – райхъусын кодта Фыццаг Каналы  генералон  директор  Тинатин Бердзенишвили.

Biaff-ы индустрион платформæйыл  «Альтернативон  уылæн»  Фыццаг Каналы  ног проекты «Теледокъы»   презентаци  ацæудзæн.  Проект йæ хъуыдыйы  дары  æрвылкъуырион    æрдæгсахатон  документон фильмтæ  адæймæгты тыххæй,  кæцытæ  актуалон  æмæ цымидисон  æхсæнадон, куыльтурон, экономикон  æмæ социалон  царды сты баст.