«Гуырдзыстон æрцыдис  егъау  прогрессмæ  ассоциацидзинады бадзырды домæнтæ сæххæсты æрдгæй,   кæцы у  нæ политикъон æмæ экономикон интеграцийы бындур» –  райхъусын кодта  Евроцæдисы  бæрзонддæр  минæвар  æддаг хъуыддæгты æмæ  æдасдзинады политикъæйы    Федерика Моггерини  пресс-конференцийыл, кæцы  уагъд æрцыд  Гуырдзыстон-Евроцæдисы ассоциацийы  Советы 5-æм рабадты фæстæ.  Иумæйаг  фидиуæнтæ сарызтой   Федерика Моггерини,  Гуырдзыстоны  премьер-министр Мамука Бахтадзе  æмæ   еврокамисар  хæларсыхагон  политикъæ æмæ   ауæрæхы  фарстаты  Йоханнес Ханн.

Моггерини æвæрццаг аргъ скодта  абоны фембæлдæн æмæ радзырдта  уынаффæйы темæты  фæдыл.

«Цалдæр мæйы   размæ  уыдыстут  фембæлдыл  кæцы уагъд æрцыд  камисы  уæнгты æмæ Гуырдзыстоны хицауады æхсæн.  Мах фæныхас  кодтам  Франкфурты  чиныджы æрмукъæйы  байгомыл, кæцы ран дæр Гуырдзыстон уыдис  цытджын уазæгы  статусæй бавдыст.  Ауагъдтам нæ Советы иттæг хорз  5-æм фембæлд.  Нæ фембæлдты арæхад  у иуæй-иу бæрæггæнæн, цас нысаниуæгджын у  нæ дискусси, æмæ  хъуыды кæнæм цæмæй  ацы  фембæлдтæ  дыууæдæр фарсæн сты ахсджиаг, хæлардзинадæн  æмæ партнердзинадæн.  Гуырдзыстон æрцыдис егъау  прогрессмæ ассоциацидзинады бадзырды домæнтæ сæххæсты æрдгæй,   кæцы у  нæ политикъон æмæ экономикон интеграцийы бындур»- райхъусын кодта Федерика Моггерини.

Йæ  ныхæстæм гæсгæ,  Евроцæдис цæттæ у  партнердзинады потенциал æххæстæй реализаци кæнынмæ.

Евроцæдисы бæрзонддæр  минæвары  аргълæвæрдмæ гæсгæ,  уый зæгъгæ у  иуæй-иу сегасæй  хуыздæр   фæстиуæг,  кæцымæ Евроцæдис æмæ Гуырдзыстон  иумæ æрцыдысты.