Евроцæдисы минæвар Гуырдзыстоны, Павел Херчинский Гуырдзыстоны премьер-министры хæдивæг æмæ æттаг хъуыдтæгты министр Мака Бочъоришвилиимæ фембæлдмæ æрсидтысты Евроцæдисы æттаг архайды службæйы организгонд мадзалы фæдыл Брюсселы æмæ йæ фæлгæтты арæзт расидæны фæдыл – уый фæдыл информацийы хъусын кæны Гуырдзыстоны æттаг хъуыдтæгты министрад.

Уагдоны информацимæ гæсгæ, министр фембæлдыл бахахх кодта, цæмæй Брюселы Гуырдызстоны æрдæм уæвæг политикæ, Гуырдзыстонмæ ахасты ист къахдзæфтæ æмæ арæзт расидæнтæ фарсыты æхсæн æууæнкдзинад хæссынц æмæ Гуырдзыстон-Евроцæдисы партнердзинадæн зиан хæссынц.

«Хъыгагæн, Брюсселы архæйдтытæн ис гæнæн аргълæвæрд æрмæстдæр куыд къахдзæфтæ гуырдзиаг æхсæнады ноджы поляризацийы æмæ радикалон боны фæткы разæнгард кæныны æрдæм. Министр банысан кодта, цæмæй Гуырдзыстоны хицауад æнæрлæугæйæ равдыста йæ цæттæдзинад конструктивон диалогмæ æмæ æнхъæлмæ кæсы рæстадон æмæ цытджын ахастмæ Евроцæдисы æрдыгæй» -ис фыст Гуырдзыстоны æттаг хъуыдтæгты министрады расидæны. Павел Херчинскийы æрсидт Гуырдзыстоны фæсарæн хъуыддæгты министрадмæ баст уыд уыцы расидæнимæ, кæцыйы уый цалдæр боны размæ Брюсселы Европæйы æддагон архайды службæйы уагъд мадзалы сарæзта, кæцыйы тыххæй цалдæр гуырдзиаг медийы хъусын кодтой: «Гуырдзыстон ис фæндаджы тигъыл, Гуырдзыстоны фидæн нырма фыст нæу, фæлæ цы уыдзæн Гуырдзыстон æввахс къуыритæм æмæ сбæлвырд уыдзæн æви нæ демократи, закъоны уæлдæрдзинад æмæ адæймаджы бартыл бындурæвæрд европæйаг бæстæты бинонтæ, кæнæ та, хъыгагæн, æрыздæхдзæн йæ талынг ивгъуыдмæ». Уымæй дарддæр ма Герчинский банысан кодта: «Мах хъуамæ ма бауадзæм Гуырдзыстон æмæ диссаджы, хъарм, уазæгуарзон гуырдзиаг адæмæн тыхмийы, мидхæсты, мæгуырдзинады, зындзинады, коррупцийы талынг рæстæгмæ æрыздæхын».

Гуырдзыстоны премьер-министр Ираклий Къобахидзе 23-æм апрелы расидтис, цæмæй «Евроцæдисы минæвар гуырдзиаг адæмæн тæссаг у мидхæстæй, мæгуырдзинадæй æмæ уый у йæ комкоммæ тæссагдзинад. Уый тыххæй æмбæлон у æттаг хъуыдтæгты министрадмæ минæвармæ æрсидт».

Уымæй дарддæр ма, фæсарæн хъуыддæгты министр Мака Бочъоришвили 24-æм апрелы банысан кодта: «Дипломативон службæйæн реагир кæныны мадзæлттæ ис æмæ уыдонæй мах спайда кæндзыстæм, фадат нын уыдзæн Павел Херчинскийы æттаг хъуыдтæгты министрады фенын».