Гуырдзыстоны æттаг хъуыдтæгты министрады информацийæ, 6-æм майы Евросоветы министрты комитет боны фæткы пункт «Евросовет æмæ Гуырдзыстоны конфликт» 13-æм æскъуыддзаг райста.

Фæсарæн хъуыддæгты министрады информацийæ, Евросовет æмæ йæ 46 уæнг бæстæ ноджы иу хатт бæлвырд кæнынц Гуырдзыстоны суверенитет æмæ територион æнæхъæндзинадæн фидар фарсылхæцындзинад æппæтдунеонæй нымад арæнты фæлгæтты.

«Уынаффæйы банысангонд у, цæмæй Уæрæсейы Федераци хæлы йæ æхсæнадæмон хæстæ, се æхсæн 2008 азы 12 августы æхсты фæурæды бадзырд, кæцыйы æхсæнвæндаджы сарæзта Евроцæдис æмæ дарддæр кæны йæ æнæзаконон æфсæддон уæвынад Гуырдзыстоны Абхазаг æмæ Цхинвалы регионты.

Уынаффæ æхсызгонæй райсы адæймаджы барты Европæйы тæрхондоны æрæджыйы тæрхон 2025 азы 14 октябры, Гуырдзыстон Уæрæсейы ныхмæ (IV) хъуыддаджы, кæцыйы Страсбургы тæрхондон Уæрæсейы Федерацийæн бафæдзæхста 253 милуан евройы компенсаци бафидын 29 000-æй фылдæр æмбæстагæн, кæцытæ зианбаййафынц Гуырдзыстоны территоритыл.

Евросоветы министрты комитет сиды Уæрæсейы Федерацимæ, æххæст кæна адæймаджы барты европæйаг тæрхондоны уынаффæтæ æмæ сифтонг кæна Европæйы Советы цæстдарæг органтæн æвæстиат æмæ æнæарæнæвæрд бацыд уыцы территоритæм, кæцытæ баззадысты Гуырдзыстоны хицауады контролæй æддæмæ.

Банысанкæнинаг у, цæмæй министрты комитеты æскъуыддзаг «2014-æм азæй æнæивгæйæ ист æрцыд. Уынаффæ нысаниуæгджын юридикон æмæ политикон документ у, кæцы Евросоветы 46 уæнг бæстæйы ирд позици æвдисы оккупацигонд Гуырдзыстоны регионты уæвæг уæззау уавæры фæдыл» – ис фыст æттаг хъуыдтæгты министрады расидæны.