Евросоветы парламентон ассамблейы президент, Гуырдзыстоны  официалон фембæлдтæ  абон райдайдзæн
Евросоветы парламентон ассамблейы президент, Гуырдзыстоны официалон фембæлдтæ абон райдайдзæн

Европæйы  советы  парламентон  ассамблейы   президент,  Лилиан Мори  Паскье  Гуырдзыстоны  официалон фембæлдтæ  абон райдайдзæн.

Лилиан Мори Паскье  Гуырдзыстонмæ  знон  изæр æрцыд.

Евросоветы парламентон ассамблейы  президент фыццаг фембæлд  сараздзæн  Гуырдзыстоны парламенты сæрдар  Ираклий Къобахидзеимæ. Фембæлды фæстæ  Ираклий Къобахидзе æмæ  Лилиан Мори Паскье  прессæйæн иумæйаг фидиуæнтæ сараздзысты.

Гуырдзыстоны  парламенты  пресс-куысты  информацийæ,  афтæдæр  абон  Лилиан Мори Паскье Цъерованмæ ныццæудзæн, цы ран  тыхыбын бынативгæ  уæнгты  цæрæн ран  абæрæг кæндзæн, æрмæст уый фæстæ та араст уыдзæн Одзисмæ, цы ран  цæст ахæсдзæн  администрацион хаххы  алфæмбылай  территорийыл.

Евросоветы парламентон ассамблейы  президент  сом фембæлдзæн Гуырдзыстоны президент Саломэ Зурабишвилиимæ æмæ  премьер-министр  Мамука Бахтадзеимæ.

Афтæдæр сом  Гуырдзыстоны парламенты  Европæйы  Советы  Гуырдзыстоны   уæнг суæвыны  20  азы  юбилеймæ нывонд  бæрæгбонон сессий  байгом уыдзæн, кæцымæ дзырдæй  баздæхдзысты  Гуырдзыстоны парламенты сæрдар  Ираклий Къобахидзе, Европæйы   Советы парламентон ассамблейы  президент  Лилиан Мори Паскье,  Гуырдзыстоны   президент Саломэ Зурабишвили æмæ премьер-министр Мамука Бахтадзе.

Лилиан Мори Паскьейы  визит Гуырдзыстонмæ  сом  фæуыдзæн.

Делегацийы  кæцыйæн  къудариуæг кæны  Европæйы  советы  парламентон ассамблейы   президент, афтæдæр сты  Европæйы  советы офисы  къухдариуæггæнæг  Кристиан   Урсэ  æмæ  асссамблейы  президенты  кабинеты  хистæры  хæдивæг  Грета  Фагиани.