Европарламентаритæ – Бæлвырд æвдисæм æнæцудгæ  фарсхæцын Гуырдзыстоны хæдбарад, суверенитет æмæ  территорион æнæхъæндзинадæн,  фауæм Уæрæсейы  æрдгæй дæргъвæтин  æнæзаконон  оккупаци
Европарламентаритæ – Бæлвырд æвдисæм æнæцудгæ фарсхæцын Гуырдзыстоны хæдбарад, суверенитет æмæ территорион æнæхъæндзинадæн, фауæм Уæрæсейы æрдгæй дæргъвæтин æнæзаконон оккупаци

Европарламенты Гуырдзыстонимæ  контактон балы  уæнгтæ,  закъондæтджытæ  Петрас Аустревичус, Михаел Галер, Марина Кальюранд,  Андриус Кубилисус, Свен Миксер  æмæ Виола фон Крамон,  августы хæсты 14 азы сæр фæдыл иумæйаг  фидиуæн аразынц.

Европарламентариты  фидиуæны  куыд у банысангонд афтæмæй,   зæгъгæ «ацы хæсты фæстиуджытæ ныр   тынг рахатинаг сты  æнæхъæн Европæйы».

«14 азы размæ, ацы бон, 2008 азы  7 августы,  æхсæнадæмон барады гуырымыхъхъ халгæйæ, Уæрæсе  Гуырдзыстоны  ныхмæ  агрессивон хæст  райдыдта.  Ацы  хæсты фæстиуджытæ  ныр тынг рахатинаг сты æнæхъæн Европæйы. Уæрæсейы агресси, кæцы  фылдæр æнæбафхæрд баззадис,  расайдта Хъырымы анекси 2014 азы æмæ æххæстмасштабон æнæзаконон, æнæраст æмæ æнæпровоциргонд  агрессивон хæст  Украинайы  ныхмæ 2022 азы.  Ацы  бон мах   ноджы иу хатт бæлвырд кæнæм  нæ æнæцудгæ  фарсхæцын  Гуырдзыстоны хæлбарад, суверенитет æмæ  территорион æнæхъæндзинадæн, йæ  æхсæнадæмонæй   нымад арæнты.  Тызмæг фауæм  Уæрæсейы  дæргъвæтин  æнæзаконон   оккупаци, а.х. бордеризаци,   змæлгæ оккупаци, а.х. паспортизаци, афтæ куыд алы  æндæр  къахдзæф Гуырдзыстоны  регионты, Абхаз æмæ Хуссар Ирыстоны де-факто анекси.

Ацы æрдгæй  райгонд стæм адæймаджы барты Европаг   тæрхондоны уынаффæйæ, кæцы  сбæрæг кодта  Уæрæсейы аххосджындзинад  адæймаджы барты гуырымыхъхъ  халыны факттæ оккупацигонд Гуырдзыстоны  регионты æмæ  сидæм Уæрæсейы   хицауадмæ,   сыххæст кæнæт йæ хастæ, кæцыты йæхимæ райста Евроцæдисы æхсæныбацыдæй  2008 азы 12 августы  æхст фæурæды  фæдыл  бадзырдæй  æмæ акæна йæ æфсад  æмæ æдасдзинады тыхтæ   Гуырдзыстоны æхсæнадæмонæй  нымад территоритæй», –   кæсæм фидиуæны.

 

Ныууадз комментари