Европæйаг Совет  йæ  зæрдыл дары    Украинайы, афтæма  Молдовæ æмæ Гуырдзыстоны  Евроцæдисы  уæнгсуæвыны фæдыл куырдиæттыл  Еврокомиссийыхатдзæгыл  куыст  æмæ ацы   фарстамæ æрыздæхдзæни июны  фембæлдыл, –  уый фæдыл  дзырдæуы  европаг  советы   рабадты  фæстæ публикацигонд   хатдзæггæнæн  фидиуæны.

«Европаг Совет  тызмæг фауы  Украинайы  ныхмæ   Уæрæсейы агрессийы  хæст.  Сидæм Уæрæсемæ, æнæаргъæвгæйæ   ныууадзæт  уæлдай йын цы нæу  ахæм бырстытæ æмбæстæгтæм æмæ æмбæстагон инфраструктурæмæ, æнæаргъæвгæйæ  æмæ æнæуæлдайныхасæй  ракæнæд  йæ æфсæддон хайадтæ   æмæ  хотыхтæ  Украинайы æппæт   территорийæ, æхсæнадæмонæй  нымад арæнтæм гæсгæйæ», – дзырдæуы  фидиуæны.

Европаг  Совет  разы  у  æмæ æххуысы  ныфс æвæры  тугтæрхоны барады æхсæнадæмон   тæрхондоны прокурроры  куыстæн   æфсæддон фыдракæндты  фæд  равзарынæн æмæ   райы  иумæйаг    фæдагурæг балтæ скæныны  фæдыл  уынаффæйæ, кæцыйæн координаци кæндзæн «Евроджаст».

«Уæрæсе, Белорус æмæ алы бæрнон уæнг йæ  архæйдтытæй   дзуаппмæ лæвæрды уыдзысты  æхсæнадæмон  барадмæ æмбæлгæйæ», – банысангонд у  фидиуæны.

Европаг Совет æвдисы  цæттæдзинад,  стыхджын кæна  Уæрæсе æмæ Белорусыл æлхъывд, цæмæй Украинайы  ныхмæ   Уæрæсейы  хæст баурома.  Европаг Совет  сиды  алы  бæстæмæ, баиу  уæд  Евроцæдисы  санкцитæм.

«Санкциты иуфæрсты  ацыды кæнæ Уæрæсейæн æндæр  фадæттæй  баххуысы  цыфæнды  архайд  цæхгæрон схафын хъæуы», – дзырдæуы   советы  фидиуæны.

Хатддзæгæнæн фидиуæны  афтæдæр дзырд ис  санкциты  æхсæзæм  пакетыл,  кæцы  Уæрæсейæ   хом  нефты æмæ  нефтпродукцийы  импортыл тобæ  дары  йæ хъуыдыйы,   хæтæлвæдæй   лæвæрд   нефты та  рæстæгмæ  уæлвæткыл ныууадздæн.

Европаг Совет афтæдæр Украианйы  финансон æмæ гуманитарон   æххуысы  фæдыл  банысан кодта  ома  цæттæ у  Украинайæн   ног  макрофинансон  æххуысы  хуызæй   9 миллиард Евро  рауæлдай кæны 2022 азы.