Оппозиционер   депутаттæ «Еврооптимисттæ»  Хатиа Деканоидзе æмæ  Роман Гоциридзе  хъусын кæнынц, цæмæй   Гуырдзыстоны миграцион процесстæ фæдисон  равг исынц.   Абон  уагъд пресконференцийыл   Роман Гоциридзе  куыд райхъусын кодта афтæмæй,   бæстæй миграцион   процесстæ  фæдисон равг исынц, æмæ бæстæ  фактонæй  æвдæлон кæны.

«Кусынхъом  нæ  æмбæстæгтæ бæстæйæ   фæцæуынц  æмæ  сæ  бынат ахсынц  фæсарæйнаг  бæстæты æмбæстæгтæ.   Ивгъуыд азы  фæсарæнты баззад   46 397 –æй  фылдæр Гуырдзыстоны  æмбæстаг, чи æрыздæхтис  уыдонимæ абаргæйæ. Уый сегасдæр бæрзонд миграцийы   æппæрццаг   бæрæггæнæн у  фæстаг 22 азы  дæргъы,  ахæм статистикæ  цы  цæуы   фыст уый  фæстæ.

2021  азы  аналогион бæрæггæнæн уыд  40 825. Фæстаг дыууæ азы  дæргъы Гуырдзыстоны  æмбæстæгты миграцийы   æппæрццаг   бæрæггæгæн  87 222 бæрц уыд,к æцы у   Гуры æмæ Зугдиды  цæрджыты  нымæц иумæ  куы æрхæссæм уымæй  фылдæрю. Æрмæст ивгъуыд азы  101  мин фæсарæйнаг  æмбæстаг  баззад Гуырдзыстоны  цæрынæн, ардгæй  62 мин   Уæрæсейы æмбæстæгтæ  сты.

Ацы катастрофон  уавæр сраст кæныны иунæг фæндаг у  растдæр  экономикон политикæйы ауадзын  æмæ бæрзонд мыздджын  куыст бынæттæ  саразын» райхъусын кодта  Гоциридзе.