«Евроньюс»  Гуырдзыстоны цæугæ   протестон  акциты фæдыл, публикацикæны  уæрæх  статий. Рауагъдады  публикацигонд статийы  сæргонд у «Цæмæн фæнды  мингай  демонстранты  Гуырдызстоны  æмгъуыдагъоммæ æвзæрстыты  снысан?».

«Евроньюс  куыд фыссы  афтæмæй,    зæгъгæ  протестон акцитæ Тбилисæй  дарддæр, ацыдысты   Мцхетайы, Зугдиды, Поты, Телавы æмæ Озургеты.

«Активисттæ  муниципалон  æмæ  хицауадон бæстыхæйтты  пикет скодтой. Ацы  архæйдтытæ   Гуырдзыстоны премьер-министр бафаудта. Гиорги Гахариа  райхъусын кодта, цæмæй  зæгъгæ хъуыды разагъды сæрибар Гуырдзыстоны хъахъхъæд у  закъонæй, фæлæ  æнæзакъонон   пикетир кæныны цауы,   паддзахадон институттæ æмæ   пъæлицæй  афтæдæр закъоны   фæлгæтты  архайдзысты» – дзырдæуы  статийы.

Публикацийы  бавдыст у  Германийы сахар  Гисены  университеты   аналитикты  хъуыды,  кæцымæ гæсгæ,  акцитæ  Гуырдызстоны  адарддæр уыдзысты,  сæрмагондæй  та  уыцы  цауы,  кæд хицаугæнæг  партий, акцийы   хайадисджыты   ныхмæ  тыхæй  спайда  кæндзæн.

Статийы  афтæдæр  дзырдæуы,  цæмæй  2019  азы  Гуырдзыстоны  протестон акциты  уылæн   фыццаг нæ уыд  æмæ  демонстрацитæ июны  дæр   цыдысты.

«Афтæ  куыд  Советон цæдисы алы раздæры республикæйы,   ахæмты, цахæм дæр сты   Украина æмæ Гуырдзыстон,  политикæ  дихгонд у  Европæимæ  æрыввахсы æмæ  Уæрæсейы  фарсхæцджыты æхсæн» – дзырдæуы  статийы.