Еврокомисси  Венгрийæн дыуæмæййон  æмгъуыд дæтты, «националон суверенитеты хъахъъæды» фæдыл  закъоны  Евроцæдисимæ  æмбæлон  скæнынæн, науæд та  Евроцæдисы тæрхондонмæ бахъаст кæндзæн.

Еврокомисийы  фидиуæны куыд дзырдæуы афтæмæй,  Евроцæдис Венгрийæн  мотивиргонд  хъуыды  арвыста, цæмæй бафæлмæндæр кæна  закъон, кæцы  ахстæй æфхæрд дары йæ хъуыдыйы  уыцы политикон къордтæн, кæцытæ  политикон мотивтæй фæсарæнтæй  исынц финансдзинад.

Декабры Венгрийы ист «националон суверенитеты закъон»  йæ хъуыдыйы  дары хæдбар органы сараз, кæцы хъуамæ бацахуыр кæна  æмæ мониторинг кæна  политкон хифæкæнды рискххытæн.  Ацы  закон гæнæн скæндзæн, æртæ азы онг ахст стæрхон кæнын  фæсарæйнаг финансдзинады райсæг  партитæн æмæ къордты уæнгтæн,к æцытæ  æвзæрстыты иснц хайад. Еврокомисси  фæнысангонд закъоны тыххæй  процедурæ  цæугæ азы февралы райдыдта. Ныр та,  мотивиргонд  цæстæнгасы  арвыста, кæцы  формалон æркуырд  у Евроцæдисы  закъондæттынадимæ æмбæлон скæнынмæ. Брюсселы дзырдæй, закъон халы  Евроцæдисы демократон  хæзнаты æмæ  фундаментон бартæ.  Венгрийы хицаугæнæг  «Фидесы» партийы та хъусын кæннц,ц æмæй ацы  закъон æнæмæнгхъæугæ  у  фæсарæйнаг  политикон хифæкæнынæй  бахъахъъхæнынæн.