Евроцæдисы Советы сæрдарад  ауæрæхы   фæдыл хатдзæгтæ публикаци кæны, кæцытæ Гуырдзыстонмæ дæр хауынц. Мыхуыргонд документы куыд банысан ис, афтæмæй Советы хатдзæгты тексты проект бавдыст дискуссийы рæстæджы райста 26 делегацийы фарсылхæцындзинад. Иу делегаци тексты фарсыл кæй нæ рахæцыд, уымæ гæсгæ  текст мыхуыргонд æрцыд сæрдарады номæй.

Документы ис фыст, цæмæй совет бæлвырд кæны йæ фарсылхæцындзинад Гуырдзыстоны цæрджыты абсолютон фылдæры хайы тырнындзинæдтæн европаг фидæны фæдыл, фæлæ банысан кæны, цæмæй хицауады архæйдтытæ нæ дзуапп кæнынц Евроцæдисы кандидат бæстæмæ æнхъарæнтæн.

«Совет ноджы иу хатт бæлвырд кæны Евроцæдисы фарсылхæцындзинад Гуырдзыстоны цæрджыты стыр фылдæры европон фидæнæн;

Гуырдзыстоны хицауады архæйдтытæ нæ дзуапп кæнынц Евроцæдисы æнхъарæнтæн Евроцæдисы кандидат бæстæмæ. Совет нысан кæны серьезон иумæйаг фæстæзаддзинад демократийы, адæймаджы барты æмæ барады уæлдæрдзинады фадгуыты, уыцы нымæцы репрессивон закъондæттынады райст, кæцы халы бындурон бартæ æмæ сæрибардзинæдтæ, тæрхондоны системæйæ пайда кæнын куыд политикон фæрæз, оппозицийы лидерты æфхæрд, протестгæнæгты æмæ журналистты æнæбары ахстытæ æмæ æмбæстагон фæзуаты фæкъаддæр;

Совет æфхæры Гуырдзыстоны хицауады æрдыгæй дезинформацийы æмæ Евроцæдисы ныхмæ нарративты апарахат æмæ сиды ацы практикæйæн кæрон скæнынмæ;

Совет хъыгзæрдæйæ банысан кæны Гуырдзыстоны фæстæзаддзинад уыцы 9 этапы реализацийы, кæцыты бындурыл бæстæйæн лæвæрд æрцыд кандидаты статус. Уымæ гæсгæ, Гуырдзыстоны Евроцæдисмæ бацæуыны процесс эффективонæй æрлæууыд. æрцыд æнæфæразгæ уавæрмæ, цалынмæ хицауад нæ равдиса фидар хæс йæ фæндаг аивын æмæ Евроцæдисмæ бацæуыны фæндагмæ æрыздæхын;

Совет сиды Гуырдзыстоны хицауадмæ, ссæрибар кæной алы æнæбары ахст политикты, журналистты æмæ активистты, скусын кæной репрессивон закъондæттынад, райсой демократон, æппæтфарсон æмæ æнæфæцудгæ реформæтæ Европæйы интеграцийы фундаменталон принциптæм гæсгæ æмæ ныууадзой агрессивон нарративтæй пайда кæнын Евроцæдисы, Евроцæдисы минæвæртты æмæ делегацийы сæргълæууæджы ныхмæ – куыд фыццаг къахдзæф Евроцæдисы фæндаг;

Совет ноджы иу хатт бæлвырд кæны Евроцæдисы фарсылхæцындзинад Гуырдзыстоны суверенитет, хæдбардзинад æмæ территорион æнæхъæндзинадæн йæ æхсæнадæмонæй нымад арæнты мидæг æмæ банысан кæны, цæмæй Евроцæдис фидарæй хæцы конфликтты сабырадон æрбæстон кæныныл æмæ æнæбанымад æмæ æнæбастдзинады политикæйыл, уыцы нымæцы Гуырдзыстоны Евроцæдисы цæстдарæг миссийы куысты фæрцы.

Совет хъыг кæны, цæмæй Гуырдзыстон нæ сæххæст кодта æвдæм хыгъдлæвæрды рекомендацитæ визæйæ ссæрибар кæныны механизмы фæдыл æмæ сиды Гуырдзыстоны хицауадмæ, сæххæст кæной ацы рекомендацитæ æмæ æнæфæстиатæй æххæст кæной визæты либерализацийы критеритæ;

Совет дарддæр кæны фидарæй æнхъæлмæ кæсын, цæмæй Гуырдзыстон фæкарздæр кæндзæн йæ тыхархайд Евроцæдисы Иумæйаг æттаг æмæ æдасдзинады политикæйы  æххæстæй æххæст кæныны тыххæй, сæрмагондæй та Евроцæдисы арæнæвæрæн мадзæлттæ Уæрæсе æмæ Белоруссийы ныхмæ, кæцытæ райст æрцыдысты куыд сæйраг приоритет Уæрæсейы агрессивон хæсты контексты Украинæйы ныхмæ. Совет афтæ дæр сиды Гуырдзыстоны хицауадмæ, сæхи бауромой ахæм архайдтытæй æмæ расидæнтæй, кæцытæ Евроцæдисы æттагполитикон позицитæн ныхмæлæуд кæнынц. Совет Гуырдзыстонмæ сиды, адарддæр кæна æмкуыстдзинад Евроцæдисы арæнæвæрæг мадзæлтты ахизыны превенцийы фæдыл» – ис фыст Евроцæдисы советы сæрдарады публикацигонд документы.