Евроцæдис -раздæрон аргълæвæрдæй, æвзæрстытæ уыдысты конкурентон æмæ профессионалонæй администриргонд

Евроцæдис, Гуырдзыстоны президентон æвзæрстыты фыццаг туры фæдыл расидæн парахат кæны.

«ОБСЕ-йы демокартион институтты æмæ адæймагы барты офисы æвзарæнон цæстдарæг миссийы раздæрон аргълæвæрдмæ гæсгæ, æвзæрстытæ уыдысты конкурентон æмæ профессионалонæй администриргонд æмæ дæтта гуырдзийаг æвзарæгæн æцæг хъæлæс.

Уыдысты хæлдтытæ дæр кампанийы рæстæджы æмæ æвзæрстыты бон, сæрмагондæй административон ресурсы спайдайы цаутæ, сæрмагонд медийы политизаци, негативон кампанийы æххæст æмæ карз риторикæ. Ацы хæлдтытæ хъуамæ рараст уой ОБСЕ-йы рекомендацитæм гæсгæ», – ис фыст Евроцæдисы расидæны, кæцы Евроцæдисы æттаг архайдтыты куысты веб-фарсыл рапарахат ис.

Снысангонд расидæнмæ гæсгæ, нысаниуæгджын у, цæмæй æххæст æрцæуа бæрзонд демокративон стандартты æвзарæнон процессы рæстæджы, се æхсæн дыгкаг туры бон.

«Нысаниуæгджын у, цæмæй алы парти адаргъ кæна демократийы принципты хъахъхъæд æмæ гуырдзийаг адæмы бары каддзинад.

Евроцæдис йæ фарсыл хæцы демокартион, стабилон æмæ размæцæуæг Гуырдзыстонæн активон гражданон æхсæнадимæ. Мах æнхъæлмæ кæсæм Гуырдзыстонимæ æмкуыстдзинады фæтыхджынмæ политикон ассоцирдзинад æмæ экономикон интеграцийы размæцыд æмæ ассоцирдзинады бадзырдæй вæрд иумæйаг хæсты сыххæстмæ», – ис фыст Евроцæдисы расидæны.