Евроцæдис Гуырдзыстоны  хъахъъхæнынады  секторæн фарс рахæцынæн  30 милуан  евро рауæлдай кæндзæн, – уый фæдыл  дзырдæуы Евроцæдисы  Советы  публикацигонд  фидиуæны.

«Абон Совет  райста  æххуысы дыууæ мадзалы  Европæйы сабырады фонды  фæлгæтты Молдовæйы  гарзджын тыхты æмæ Гуырдзыстоны  хъахъхъæнынады тыхтæн  фарс рахæцынæн, дыууæ бæстæйы  хъахъхъæнынады  секторы  националон æдадсзинады, стабилондзинад æмæ  фæразондзинад стынг  кæннæн», – дзырдæуы  Евроцæдисы Советы фидиуæны.

Европаг Советы хъусинагæй,   Гуырдзыстонæн бæлвырдгонд  30 милуан евройы бæрц æххуысы  пакет  36 мæййон  периодыл æххæссы. Фæнысангонд суммæйæ  сфинанс уыдзæн   Гуырдзыстоны  хъахъхъæнынады  тыхты  хайадтæн  æнæлеталон ифтонггæрзтæ æмæ  лæггад, уый нымæцы   техникон   бацæттæ æркуырды  цауы.  Сбæлвырдгонд  ифтонггæрзтæм хауынц, инженерон,  сæрдариуæгон-контролон, медицинон, логистикон æмæ  киберхъахъхъæнынады техникæ.

Европаг Советы хъусинагæй,  æххуысы фæстаг пакет, раззаг пакетимæ иумæ,  йæ къух сараздзæн  Молдовæ æмæ Гуырдзыстоны  тыхты  оперативон   эффективондзинад сбæрзонддæр кæнынæн,  фæтагъд  кæндзæн  Евроцæдисы стандарттæм æмбæлондзинад скæнын  æмæ  кæрæдзиимæ æмбынатиндзинадæн, уымæ  гæсгæ  дæр, сифтонг кæндзæн  æмбæстæгты  хуыздæр хъахъхъæд  кризисты æмæ уæлвæтк уавæрты  рæстæджы.  Афтæма æххуысы пакеты нысан у,  Молодовæ æмæ Гуырдзыстоны  фадæттæ стыхджын кæнын  æртыккаг бæстæты Евроцæдисы  æфсæддон мисситы æмæ  операциты сæ хайады  æрдгæй.

Советы хъусинагæй,   æххуыс  Гуырдзыстон æркуырдта 2023 азы  8 февралы. Уæдмæ 2022 азы декабры  Совет сбæлвырд кодта  20 милуан евройы бæрц  æххуысы пакет, æрмæст 2021  азы  декабры –  12,75 милуан евройы бæрц  пакет.

Аналогион нысæнттæн  Евроцæдисы Совет Молдовæйы гарзджын тыхты æххуысæн  40  милуан евро  рауæлдай кæныны уынаффæ рахаста.