Евроцæдис æмæ Иугонд Паддзахад сбæлвырд кодтой Уæрæсейы ныхмæ санкциты 17-æм пакет. Уый фæдыл Евроцæдисы æттаг политикæйы куысты къухдариуæггæнæг, Кая Калас «Икс»-ыл ныффыста.

Кая Калласы ныхæстæм гæсгæ, санкцитæ бандæвтой Уæрæсейы «аууоны флоты» 200 науы бæрц.

Британийы хицауад рапарахат кодта ноджы деталон расидæн æмæ афтæ дæр сног кодта санкциты номхыгъд.

«Фæстаг санкцитæ нысангонд сты уыцы субъекттæн, кæцытæ æххуыс кæнынц Уæрæсейы æфсæддон машинæйæн, энергийы экспортæн æмæ информацион хæстæн, афтæ дæр финансон уагдæттæн, кæцытæ æххуыс кæнынц Путины Украинæмæ ныббырстæн финанс кæнынæн» – банысан кодтой Стыр Британийы хицауады.

Сæрмагондæй, Стыр Британи санкцитæ æрæвæрдта 14 адæймагыл, кæцыты хоны «Социалон инженерон агентады» уæнгтæ. Ныгуылæйнаг бæстæтæ ацы агентад нымайынц Украинæйы æмæ æндæр демократон бæстæты политикон процессты Уæрæсейы æрбабырсты сæйраг инструменттæй иуыл.

Финансон уагдæтты æхсæн бритайнаг санкциты бын бахаудысты 46 компани, афтæ дæр Санкт-Петербургы валютæйы биржæ æмæ паддзахадон корпораци «Депозиты страховкæйы агентад».

«Аууон флоты» ныхмæ бритайнаг санкцитæм хауынц 18 науы, афтæ дæр бритайнаг æмбæстаг Джон Майкл Ормерод, кæцы, дам, наутæ балхæдта уæрæсейаг нефт ласынæн. Уымæй дарддæр ма, санкцитæ бандæвтой дыууæ уæрæсейаг танкеры капитаныл.