«Тыхджын Гуырдзыстоны» лидертæй иу Алеко Елисашвилийы ссæрибар кодтой 4000 ларийы цъындыйæ.

Снысангонд æскъуыддзаг Тбилисы горæтон тæрхондоны тæрхонгæнæг Леван Геловани райста, кæцы хайгай райгонд кодта прокуратурæйы куырдиат. Прокуратурæ тæрхондонмæ бахатыд профилактикон мадзæлтты хуыз фæивыны курдиатимæ. Азымгæнæг Елисашвилийы ссæрибар кæныны тыххæй куырдиат бадæтта 5000 ларийы æфсонæй.

Тæрхондоны залæй ссæрибар кæныны фæстæ, Елисашвили Алеко медийы коментар сарæзта.

«Уый ницы нысан кæны, æз абсолютонæй сахуыр уыдтæн ахæстоны январы кæронмæ бадын æмæ ницы фæцис. Ныр алцыдæр райдайы. Ацы мæй æмæ æрдæджы дæргъы, уæд фенæм куыд уыдзæн, æддейæ æз æппæты тынгдæр тох кæндзынæн, цæмæй æппæт политикон ахæсттæ, кæцытæ ахст сты, уалдзыгон митингæй фæстæмæ, мæ хæстæгдæр адæймаг бады окмела, тынг хъæбатыр, зæрдæбын, гуырдзиаг лæппу æмæ æндæр æфхæрд, цæфгонд политикон ахæсттæ, Уыдон, кæцытæ тох кæнынц хуыздæр Гуырдзыстоны сæраппонд, ныр хъæрдæрæй тох кæндзынæн, цæмæй ацы адæм рацæуой. Цалынмæ рацæуой, уæдмæ æз нæ нымайдзынæн, æмæ мын исты амондджын цау æрцæуы, уымæн æмæ æз бынтон ахуыр уыдтæн ахæстоны æмбæлын куыд Ног аз, афтæ мæ гуырæнбон дæр. Бузныг æппæт уыцы адæймæгтæн, кæцытæ сæ къæхтæ нæ аивтой, кæцытæ æнæфæразгæйæ лæууыдысты æмæ протест кодтой Руставелийы ацы рæстæджы дæргъы. Стыр бузныг алкæмæн дæр. Мæ бон нæу зæгъын, амондджын дæн ныр, кæй зæгъын æй хъæуы, амондджын дæн мæ бинонты фенынæй æмæ сæ ног азы фенынæй, фæлæ мæнæн ахсджиагдæр у, цæмæй политикон ахæсттæ æддæмæ уой æмæ ацы гадзрахатæй цæуджытæ ссæрибар кæной хицауад», – загъта Елисашвили Алеко.

Тбилисы горæтон тæрхондон Алеко Елисашвилийæн превенцион мадзалæй 6-æм декабры ахæстоны фæбадыны тæрхон рахаста.

Елисашвилийы 4-æм декабры, уазæгдон «Кортьярд Марриотт»-ы цур æрцахстой. Фæдагурæн уагдоны информацимæ гæсгæ, мидхъуыдтæгты министрады ауагъд фæдагуырд сбæлвырд кодта, цæмæй 2-æм декабры, Тбилисы Къоставайы уынгыл уæвæг афтекы, Александре Елисашвили азербайджанæгты националон конгрессы сæрдар Али Бабаевмæ æмæ дзыхæй æмæ физиконæй æрбабырста æрбабырста йæм. Уагдоны информацимæ гæсгæ, аххосджын кæнынц уголовон кодексы 156-æм статьяйы 2-аг хайы дæлпункт «а»-йы нысангонд фыдракæндæй, кæцы тыхмийæ пайдагæнгæйæ арæзт æфхæрдмæ хауы.