ЕÆÆО-йы сæрдариуæгады триумвират, кæцыйы сконды сты Мальта, Цæгат Македони æмæ Финлянди, Гуырдзыстоны цæугæ цауты фæдыл расидæн парахат кæны.

Расидæны куыд ис банысангонд афтæмæй, уыдон лæууынц гуырдзиаг адæмы фарсмæ, уымæн æмæ адæм сидынц сæ тырнындзинад демокративон æмæ европон фидæны тыххæй, куыд бæлвырд кæны Гуырдзыстоны конституци.

«Мах, ОSСЕ-йы сæрдары триумвираты уæнгтæ, категорионæй æфхæрæм Гуырдзыстоны хицауады тыхмийы реагирдзинад Гуырдзыстоны æмбæстагон æхсæнады, хæдбар медийы æмæ бæстæйы демокративон фидæны фарсылхæцæг политикты сабырадон протесттæн. Гуырдзыстоны хицауадмæ сидæм, æвæстиатæй ныууадзой репрессивон тактикæйæ æмæ тæрсын кæнынæй пайда кæнын, се æхсæн æнæбары ахстытæ æмæ физикон тыхмидзинад.

Гуырдзыстоны хицауадмæ сидæм, Гуырдзыстоны æхсæнадæмон хæстæм гæсгæ, бæстæйы адæймæгты сæрибар æмбырды æмæ ныхасы сæрибар бартæ сифтонг кæной. Ацы хæстæн ныхмæ чи лæууы, уыцы закъæттæ хъуамæ скусын кæной.

Æппæт аххосæгтæ тыхмийы, æвзæрстыты сайды æмæ демократон аргъдзинæдтæ æмæ принциптыл бырстыты тыххæй хъуамæ æрцæуой æууæнкджын æгъдауæй раиртæст æмæ æппæт уыцы фыдракæндты аххосджынтæ хъуамæ æрцæуой дзуаппдæттæг.

Гуырдзыстоны хицауадмæ сидæм, цæмæй бахъахъæной адæймагы бартæ, демократи æмæ барады уæлдæрдзинад нæ иумæйаг ОSСЕ-йы принциптæ æмæ хæслæвæрдтæм гæсгæ, ныридæгæн Хельсинкийы кæронбæттæн акты æмæ Парижы хартийы куыд у нысангонд.

Гуырдзыстоны хицауады разæнгард кæнæм, спайда кæной уыцы æндæр æмæ æндæр фæрæзтæй æмæ фæлтæрддзинадæй, кæцытæ ОSСЕ æмæ йæ институттæн сæ бон у раттын.

Мах лæууæм гуырдзиаг адæмы фарсмæ, уымæн æмæ уыдон сидынц сæ фæндон демокративон æмæ европон фидæнмæ, кæцы Гуырдзыстоны конституцийæ бæлвырдгонд у» -ис фыст фидиуæны.