Гуырдзыстон абон алкæмæн дæр уыдзæн ныхасы темæ. Хаст æрцæудзæн бæлвырд уынаффæтæ. Ме  æнхъарæн у, цæмæй мауал æххуыс кæнæм иуæй-иу ахсджиаг программæтæн, кæцытæ цæуынц хицауадмæ. Ныхас цæуы 100 милуан евройæ фылдæрыл, кæцытæ уыдзысты уазалгонд æмæ хицауады бæсты æххуыс кæндзыстæм æмбæстагон секторæн – уый фæдыл Евроцæдисы бæрзонд минæвар æддаг политикæ æмæ æдасдзинады фарстыты Джозеп Борел расидтис.

Борелы ныхасмæ гæсгæ, æмбæстагон æхсæнады организацитæн сæ фарсылхæцындзинады тыххæй 120 милуан евройы бæрц лæвæрд æрцæудзæн. Йæ æмбарынгæнæнмæ гæсгæ, Евроцæдисмæ бацæуыны процесс урæд у, цалынмæ Гуырдзыстоны хицауад Евроцæдисы фæндагмæ æрыздæха.

«Мах райсдзыстæм ацы æхца, 120 милуан евройы бæрц, æмæ сæ ратдзыстæм æмбæстагон æхсæнады организацитæн, цæмæй сын æххуыс кæной рæстадон æвзæрстыты сæраппонд тохы». Евроцæдисы фарсылхæцындзинад гуырдзиаг адæмæн адарддæр уыдзæн. Евроцæдисмæ баиу кæныны процесс æрлæууыд. Уый урæд у, цалынмæ Гуырдзыстоны хицауад Евроцæдисы фæндагмæ æрыздæха. Уый тыххæй бирæ цыдæртæ хъæуы аивын. Уыимæ иумæ хицауадæн цы æхца рахицæн æрцыд, уыдонæй спайда кæндзыстæм, йæ сæрибардзинадыл чи тох кæны, уыцы адæмæн баххуыс кæнынæн. Хъуамæ æцæгæйдæр уагъд æрцæуа фæдагуырд. Цы æрцыд, уымæн хъæуы æххæстæй аргъ скæнын. Нæй зæгъæн, цæмæй æвзæрстытæ уыдысты сæрибар æмæ рæстаг, куы нæ разы кæнай фæдагуырд. Райдианæй фæстæмæ хицауадæй куырдтам, цæмæй æххæстæй бæлвырд кæной, адæмæн цы хъаст ис, уый. Уæдæ хъуамæ уагъд æрцæуа фæдагуырд æмæ хъуамæ уа дзуаппдæттæндзинад», – расидтис Борел.

Брюсселы Евроцæдисы æддаг хъуыддæгты советы рабадт цæуы.